هاجم المستشار مرتضى منصور رئيس نادي الزمالك ، عبد الواحد السيد حارس مرمى القلعة البيضاء. وقال "انت عايز تبقى رئيس الزمالك هو انت عضو اصلا في النادي". وتابع "ولو انت شايف نفسك مؤهل لرئاسة النادي تعالى خد الكرسي". وأضاف "مش مكسوف على دمك قعدت 9 سنين مخدتش بطولة ، وجددتلك وانت عندك 2 صليبي". وواصل "من خلال الحسابات ليك 7 ملايين و300 ألف جنيه ، حصلت في 3 أشهر على مليون و300 ألف جنيه ولو عايز فلوسك روح خدها من عباس ، عيب تعمل كده معانا وأنا بدأت معاك بالأدب وتدخلت في قرار الجهاز الفني وخليتك تشيل كأس مصر وإتفقت انك تكون موجود". وأكمل"انت رفضت حتى حازم إمام يشيل الكأس معاك ونسيت ياخرم الأجوان اللي دخلت فيك زي خالد قمر وجون آنطوي ..انا لو منك كنت احترمت نفسي وإعتزلت".