قربت السنة علي نهايتها وقولت أروح دولة مساطيل ستان دي اللي جنبنا وقررت أكتب بالعامية أول مانزلت في دولة مساطيل ستان قال أيه (أبتسم فأنت في مساطيل ستان بلد الأمن والأمان ) قلت أشوف السنة اللى هتمشي دي عملت أيه في سكان دولة مساطيل ستان ... أول القصيدة : لقيت شاب 26 ماشى متكدر وحزين قولت ليه مالك ياعم الشباب فيه أيه... قالي لا أنا لاقي شغل ولاعارف أتجوز ... أعمل ايه ؟؟؟؟؟؟ بصراحة أحرجنى قولت ليه (مسيرها تتعدل...) مشيت شوية كمان لقيت شابة أمورة وحلوة بقولها مالك ياست البنات قالت أنا 27 سنة وقربت أنتحر مش عارفة أتجوز.. أعمل أيه) وبصراحة مالقيتش أجابه غير ( ربنا يوفقك ) وفضلت ماشي وأخيراً لاقيت شاب مبسوط وسعيد قولت الحمد لله أخيراً فيه حد مبسوط في دولة مساطيل ستان دي وقولت له ياتري أنت مبسوط ليه ؟؟؟؟ قالي أصل أنا لسة جاي من عند واحد كُباره "بالضمة" من أعضاء مجلس سيد قراره.. وعامل معايا الواجب بصنف حشيش تمام مابيجيش لأي حد وده اللي باسطنى تعبت خالص وفي الآخر قلت لنفسي ياتري السنة الجاية دي هتكون مختلفة في دولة مساطيل ستان .. يااما نفسي وسعتها هاكون فرحان وتبقي بجد بلد الأمن والأمان والله يرحمك ياعمي إمام لما قولت .. الحمد لله خبطنا نحت بطاطنا ... ياما أحلي رجعة ظباطنا من خط النار تمام ....!!؟؟