يا حمص يا ترمس يا حب العزيز يا طعم الحياة المر اللذيذ لما ف قلب المدرسة أستاذ يقتل تلميذ تبقى مصر مش بخير يا مانجة يا توت يا دمع الكمنجة يا حيرة البيوت يا ساعة العصارى يا ناى يا نعناع يا شاى لما يبقى اللى رايح زى اللى جاى تبقى مصر مش بخير يا عجز القصيدة يا هم المشوار لبلادى البعيدة لو مفيش أحلام سعيدة تبقى مصر مش بخير يا نيل يا رقم قومى ومواطن بدرجة عابر سبيل يا هرم يا دخول المدارس يا كراسة وقلم يا رصيف الكورنيش لما حب الوطن يبقى سبوبة وأكل عيش تبقى مصر مش بخير