أثار قرار اللجنة العليا لانتخابات الرئاسة، استبعاد المهندس خيرت الشاطر مرشح جماعة الإخوان المسلمين، سخرية شباب الموقع الاجتماعي "توتر"، بعدما صدقت تكهناتهم بأن الدكتور محمد مرسى، مرشح حزب الحرية والعدالة سيكون بديلا أو "استبن" للجماعة والحزب حال استبعاد الشاطر وهو ما تحقق بالفعل. وكانت أبرز التعليقات: مرسي الاستبن واللي بنى مصر كان في الأصل.. فردة كاوتش الاستبن هو الحل.. شعار "مرسي الاستبن".. أدركوا الفردة المخرومة أصل الشاطر ماكانش ظابط علي 28 قصدي الماده 28 نحمل الكوريك لمصر عاجل المرشد في تصريح خاص: قررنا ترشيح مرسى الاستبن لنضمن دوران عجلة الإنتاج خش حملة الشاطر تربح مرسي مجانا شباب الإخوان ما تقولش لا... أدب أدب.. تحط لهم بامية كوسة اللي قدامهم بياكلوه عشان الطبق يدعي لهم ياترى لو مرسي الإنسان بعَت رسالة ل مرسي الاستبن هيقولُّه إيه؟ "ماتتنفخش اوي" سيبك من التيوبلس ..خد اللي له قلب مرسي..وانا زي بابا بالظبط في الشده شديد وفي القوه قوي..قوي قوي مرسي مرسي حتى النصر ... الاستبن هيحكم مصر !! الإخوان قالوا علي الشاطر يوسف مصر....ودلوقتي بيقولو علي مرسي ايوب هذا العصر مرة واحد راح للبقال قال له عندك الشاطر، قال له لا و هو عنده مرسي الاستبن جوه مرسي الاستبن لو مسك ريس هيحكم مصر من على دكة الاحتياطى لو ما لقتش الشاطر في الاجزخانة البديل مرسي وكمان سعره رخيص انتخبوا محمد مرسي رمز الكوريك.