وصل موكب الرئيس عبد الفتاح السيسي إلى مقر مصنع إنتاج العربات المدرعة كي يشهد الإعلان عن أول عربة مدرعة مصرية 100% وكان في استقبالة كبار القادة العسكريين وفي مقدمتهم السيد وزير الدفاع والإنتاج الحربي. دخل الرئيس إلى صالة العرض متشوقاً لرؤية هذا العمل العظيم, وفوراً تم إزالة الغطاء عن المدرعة للكشف عن التحفة المصرية الفريدة, وهنا بدت على الرئيس البهجة وشرع في فتح باب المدرعة.. وفجأة تحولت حالة الرئيس من البهجة إلى الإستهجان متسائلاً: السيسي: عظيم الشغل ده.. بس هو ليه الدركسيون مكتوب عليه "جيب"؟ صدقي صبحي: مهو دي القطعة الوحيدة الي اشتريناها من توكيل "جيب". السيسي: انا بشبه على التابلوه ده! صدقي صبحي: يا سلام يافندم طول عمر حضرتك لماح وقوي الذاكرة.. ده تابلوه عربية "جيب" عندنا في إدارة المركبات, العربية عملت حادث واتكهنت وعشان نحافظ على المال العام أستغلينا القطع السليمة فيها واستخدمناها معانا. السيسي: عظيم.. بالنسبة للكراسي!؟ صدقي صبحي: أهي دي الحاجة الوحيدة الي اضطرينا نفورها بعد حادثة العربية الجيب وعملنالها كسوة جديدة! السيسي: أومال المدرعة 100% مصرية ازاي؟ صدقي صبحي: عندنا 100 ضابط وعسكري مصري اشتغلوا واجتهدوا عليها لمدة 100 يوم وطلعوها بالشكل المفخرة ده سيادتك!