_ علقت الإعلامية لميس الحديدي على انخفاض الاحتياطي النقدي مليار دولار، بقولها: "الاحتياطي النقدي المصري لم ينخفض مليارين ونصف دولار زي ما الإشاعات بتقول، الاحتياطي النقدي انخفض مليار دولار فقط، وده نتيجة التحسن الطفيف في السياحة، والتحسن الطفيف في الاستثمار، والمليار اللي أخدناه من الكويت، ده غير ارتفاع عائدات قناة السويس". وأضافت، في برنامجها "هنا العاصمة"على قناة "سي بي سي" مساء اليوم، الأحد: "الانخفاض ده نتيجة إننا بعتنا لقطر فلوسها اللي كانت عندنا، وناقص قسط واحد هنرده في معاده، شكرا يا قطر، مش عاوزين فلوسكوا ومش عاوزين ودايعكوا، ولا عاوزينكوا تستثمروا عندنا، احنا الاقتصاد بتاعنا كويس وهيقف من غيركوا، ومتأثرناش لما إديناكوا فلوسكوا، وهقولها تاني شكرا يا قطر".