كلنا عارفين حديث المفلس قال رسول الله صلى الله عليه وسلم: أتدرون من المفلس ؟ قالوا:المفلس فينا من لا درهم له ولا متاع , قال صلى الله عليه وسلم : إن المفلس من أمتي من يأتي يوم القيامة بصلاة وصيام وزكاة , ويأتي وقد شتم هذا ,وقذف هذا , وأكل مال هذا , وسفك دم هذا , وضرب هذا , فيعطي هذا من حسناته وهذا من حسناته فإن فنيت حسناته من قبل أن يقضي ما عليه أخذ من خطاياهم فطرحت عليه ثم طرح في النار ) .. (رواه مسلم) طيب و بعدين مين فينا مغلطش فحق حد فى يوم من الايام ؟مين فينا مقصرش أو ظلم أو جه على حق حد فى موقف من المواقف؟ طيب و بعدين ..... يعنى أنا أصلى و أزكى و أصوم و أروح أعمل عمره و أجى يوم القيامه أفرقهم ...... طيب و أيه الحل ؟؟؟؟؟ أنا هقولكم هنا شويه أفكار متواضعه,و طبعا يا مرحبا بأى حد عاوز يعرض فكرة أو حل جديد الفكرة الاولى : و أنا مثلا بستغفر ربنا و أقول (أستغفر الله و أتوب اليه)أحط فى نيتى أنى بستغفر لاصحاب الحقوق على . و هكذا أى ذكر ,أحط نيه أن ثواب الذكر اللى أنا بعمله تروح للى ظلمته,و هكذا ..... الفكرة الثانيه: و أنا بدعى لنفسى أدعيلهم معايا ,ربنا يهديهم ,ربنا يصلح حالهم ,ربنا يكرمهم و يفتح عليهم.... الفكرة التالته : و أنا بتصدق أنوى أنهم يشاركونى أجر الصدقه يا سلاااااااااااام يا رشا على الافكار؟طب مانتى كده بردة شاركوكى فى الخير اللى بتعمليه!!!!!!!! ما أنتم مش فاهمين أيه اللى بيحصل ,لما بحط النيه دى فى أعمالى,اللى بيحصل كلاتى : 1_النفس البشريه جبلت على البخل ,أنتى لما هتلاقى نفسك كل شويه بتتصدقى لفلانه و بتستغفرى لفلان و بتدعى لعلانه هتلاقى نفسك بتاخدى بالك من تصرفاتك مع الناس ,و المعصيه بالنسبالك مش هتبقى سهله ذى الاول من الاخر هنعمل إعادة تقويم و تربيه للنفس. 2_هنعود نفوسنا على الايثار ,اللى معظمنا نسيه فى تعاملاته مع الناس. 3_هتلاقى نفسك بتستصعبى المعصيه و بتستكبريها,الكلمه و اللا النظرة اللى كانت بتصدر مننا بكل سهوله و كنا بنحس بنشوة الانتصار بعدها هتلاقى نفسك بتفكرى ألف مرة قبل متعمليها.
