كلنا ماشيين ندور عن سحابة تظلل القلب الحزين عن أماني تايهة منا ... فى غربة الليل اللي ناسي إننا عايشين ندور..... عن وجوهنا في مرايا الحيرانين عن عبير العمر ضايع في الورود الدبلانين ... كلنا ماشيين حيارى في سكة مالهاش أي لون سكة تاهت من خطاوينا وتهنا ... و يا كل المحرومين كلنا عايشين نكمل سطر ناقص من كتابنا ونمحي منو ألف كلمة ... بالندم هَم السنين و كلنا عايزين نعيش ... كل واحد منا عايز بيت يداري الخِيبة فيه أصل مالناش غير بيوتنا ... غير وطنا واللي فيه دحنا لو لفينا الكون و ادرينا باسم ثاني و رحنا نرسم ... بيت جديد و شمعة دايبة بالأماني بالنهاية ... .................................... نرجع اندور علينا عن وجوهنا ...عنا فينا وملئيش غير اللي فينا غير ظلال العزم لو تحيا تقوم تبني من ثاني العزيمة و تسقي ورد الغيط ونخلو و تزرع الأرض بسنابل يومها حنلاقي وجوهنا والقلوب التايهة منا و الحواري اللي نسيها شعر كان يبكي عليها يومها نعرف أننا كنا ندور عنا في غربةْ زمان وحنلئينا أرض تحضنا بأمان أرض فيها السلم فينا والعزيمة هي فينا والمحبة منا لينا تبني بيت العمر جنة و يعلى صوت الغنوة رنة ... انتَ جنة يا وطنا انت جنة يا وطنا