صاحبك الحقيقى دا مفيش زيه تلاقيه كده واقف جمبك ومعاك فى كل بلاويك ويزعل اوى لو عملت المصيبة من غيره، تلاقى واخد عليك كده وعلى بيتك ويدخل من غير مايستأذن ويسأل والدتك: فى أكل اية النهاردة ياطنط؟ ، ترد: فى مكرونة ياحبيبى أجبلك ؟،.. يقول: طبعاً ياطنط صاحبك الحقيقى اللى مش بتتكسف منه ومش بتخبى عنه حاجة ،واللى لو ماشتمتوش يحس انك زعلان منه، هو اللى ممكن تستلف منه فلوس عادى وممكن كمان تعيش على جيبه وهو مبسوط، وهو اللى بتتصور معاه فى كل مكان بتروحه ، وهو اللى بيستحملك وقت غضبك وتلاقى بيطبطب عليك وقت حزنك ، وهو اللى بيفرح لفرحك اكتر من فرحته لنفسه ، وهو اللى تلاقى بيتريق عليك طول الوقت بمناسبة ومن غير مناسبة ، وهو اللى ديما بيفكرك ببلاويك ويضحك عليك وانت بتشاركه التريقة، وهو اللى بيشوفك وانت واقع على الأرض يفضل يضحك عليك ويمسكها ذله عليك، وهو اللى بينك وبينه اسرار ولغة محدش يعرفها غيركم، صاحبك الحقيقى هو اللى انت بتفكر فيه دلوقتى وانت بتقرأ المقال !