النميمة من الأخلاق المذمومة التي انتشرت في مجتمعاتنا، حتى أصبحت حديث مجالسنا وفكاهتها، فترى ضعاف النّفوس يتحفهم سماع الكلام عن النّاس والقيل والقال. وفي ضوء هذا رصدت عدسة "البوابة نيوز" آراء بعض المواطنين "مين الأكتر نميمة الرجالة ولا الستات، وليه"، وجاءت بعض الردود غير متوقعة. فقد جاءت ردود بعض السيدات بأنهم الأكتر نميمة من الرجال، قائلة: "النساء فاضيين ومش وراهم حاجة وبيكون عندهم حقد جامد"، وأيد بعض الرجال هذا الرأي، وقالوا: "لأنهم بيوقعوا الدنيا في بعضها سواء مع الراجل أو مع صاحبتها هى الست كدا معروفة بجبروتها". بينما جاءت ردود بعض الرجال مختلفة حيث أيد بعضهم أن الرجال هم الأكتر نميمة من السيدات، وقالوا" الرجالة الأكتر دلوقتي فلان قال وفلان عمل وكسب والناس بقت فاضية عن كلام الناس في القهاوي والمساطب لكن الستات بقوا مشغولين في حياتهم وتربية أولادهم وبيتهم". فيما أيدت بعض السيدات أن الرجالة هم الأكثر نميمة، قائلة: "الراجل لما بيتحال على المعاش بيبقى 24 ساعة في البيت وفاضي وأن الراجل بطبيعته بقى بيتكلم كتير"، في حين قال آخر" الناس الفاضية هي اللي بتعمل كدا".