المواطن الغلبان حسن حصاوي يُغشى عليه من حين لآخر، وندما يفيق لا يفهم ما حدث حوله من تغيرات، ولكن أحيانا ما يجعل من يسمعه هو الذي يُغشى عليه. ( زار حصاوي بعضًا من أقاربه في الريف، فدُعي إلى حفل خطوبة في منزل مجاور، وفوجئ أن العريس والعروس من الأطفال) حصاوي لا مؤاخذة العريس والعروس سنهم قد إيه؟ أبو الولد العريس ابني ما شاء الله 13 سنة وفي أولى إعدادي. أبو البنت وأنا بنتي والحمد لله عندها عشر سنوات وطالعة سنة رابعة ابتدائي حصاوي رابعة ابتدائي مرة واحدة؟ طب وهتجوزهم إزاي وهما في السن دا؟ الاثنان زي الناس حصاوي هما في السن دا يعرفوا يعني إيه جواز؟ الجار طبعًا حصاوي يعرفوا منين؟ الجار إلا منين؟ من الأفلام يا أستاذ اللي بتفتح عينين العيال. أبو البنت أنا بنتي ما بتسمعش ولا بتشوفش حاجة.. كفاية العريس. أبو الولد و العيال بيسمعوا من أصحابهم. حصاوي أصحابهم قدهم، يعني برضه ما يعرفوش، دا الكبير ممكن في الأول يضرب لخمة ويحتاس وحتى لو كان له تجارب بسيطة.. يبقي العيل اللي ما عندوش فكرة يعمل إيه؟ الجار بسيطة ياخد له نفسين حشيش.. والحشيش يعرفه سكته. حصاوي دا بالشكل دا ممكن ينام. الجار بسيطة.. يدي العروسة هي كمان نفسين حشيش. حصاوي يبقى هي كمان هتنام قبله. الجار حلو يبقى هما الاتنين ناموا مع بعض.. كفك بقى.. هيء هيء. حصاوي طب وبعدين؟ تاني يوم يبقي العمل إيه؟ الجار الواد يقول لها أهو كل يوم من دا الجار تقوم هي تقوله: الله عيب بقي ما تكسفنيش..هيء..هيء. الجار لحد ما ييجي يوم ويفهموا الفولة. حصاوي قصدك يكونوا أدمنو المخدرات. الجار يبقي ضمنوا ما يناموش يوم متنكدين. حصاوي ولما يكبس عليهم البوليس؟ الجار عمرك سمعت عن عرسان بتخبط الشرطة عليهم ويسألوهم فين الحشيش اللي معاكم؟ قول يا باسط. الجار أنت معقدها كده ليه؟ أشحال ما كنتش راجل مسقف. حصاوي قصدك مثقف. الجار دا أنت مش أنا، بعد الشر عليا، ما تعرفش أن الحكاية تتحل بقرص فياجرا؟ صباح النور بالليل. حصاوي اللي بتعملوه دا جريمة يعاقب عليها القانون. الجار ومين قالك أننا هنجوزهم دلوقت؟ حصاوي أمال عملتوا خطوبة ليه؟ أبو البنت وفيها إيه.. أنا مش هجوز البنت إلا لما تبلغ 14 سنة. حصاوي برضه مش دا السن القانوني للجواز. أبو الولد أبوها راضي وأنا راضي ومالك أنت ومالنا يا قاضي. حصاوي آه صحيح. الحكومة مالها؟ بس قولي يا حاج، أنت مش برضه حاج؟ الجار أيوه أمال. الجاي وأنا شرحه. حصاوي بذمتكم مش ممكن تجوزوهم بدري عن كده في الخباثة؟ الجار هيء ..هيء ممكن.. بس تخلي دا كلام في سرك. حصاوي طب ما فكرتوس أن البنت مثلا ساعتها لما تكبر وتوصل لسن أربعتاشر ترجع في كلامها وتقول مش عايزه العريس؟ الجار ما فيش حاجة اسمها البنت ترفض.. دا أنا كنت أدبحها. حصاوي أو العريس هو اللي يشوف له شوفه. الجار دا أنا كنت أتبرى منه وأقل حاجة أحرمه من الميراث. حصاوي بس لا أنت ولا هو لكم حق في كده. الجار ما لكش دعوة، أحنا أحرار في عيالنا، ومربينهم من صغرهم ع السمع والطاعة. الجار أيوه إن شالله نقولهم أرموا نفسكم في التهلكة، يرموا نفسهم وهما مغمضين. حصاوي ( مفكرا) متربيين ع السمع والطاعة من صغرهم، وتقولوا لهم أرموا نفسكم في التهلكة، يرموا وهما مغمضين، قولوا لي.. أنتوا تبع الإخوان؟ الجار ( ينظران لبعضهما ثم له بدهشة ويخرج كل منهما مسدسا من جيبه) أيوه. بس أنت عرفت إزاي؟ ( حصاوى يغشى عليه )
