المواطن الغلبان حسن حصاوى يغشي عليه من حين لأخر.وعندما يفيق لا يفهم ما حدث حوله من تغيرات ولكن أحيانا ما يجعل من يسمعه هو الذي يغشي عليه. ( حصاوى جالس علي المقهى بجوار جاره) الجار قولي ناوي تنتخب مين رئيس للجمهورية لما تيجي انتخابات الرياسة؟ حصاوى لما تبقي تيجي , هتوجع دماغي من دلوقت ليه ؟ الجار وإحنا خسرانين إيه ؟ نفكر من دلوقت وإحنا لسه علي مهلنا. حصاوى أصل بصراحة مش لاقي حد في كل اللي رشحوا نفسهم المرة اللي فاتت. لا اللي رشحته أول مرة ولا اللي رشحته في الإعادة. أنت رشحت مين؟ الجار رشحت مرسي العياط. حصاوى وكانت النتيجة إيه؟ الجار أنا اللي عيطت مش هو حصاوى مين قالك أنه هو مش بيعيط دلوقت أكتر منك.المهم فكرت أنت ترشح مين المرة دي؟. الجار واحد كان في دماغي من الأول ويا ريتني أخترته. حصاوى مين هو؟ الجار عبد المنعم أبو الفتوح. حصاوى أشمعني؟ الجار راجل متدين بصحيح وبيدعو لنبذا العنف وعايز يعمل مصالحة بين كل فئات الشعب. حصاوى تاني ؟ طب ما تختار واحد من السلفيين أحسن. الجار بس محدش منهم رشح نفسه. حصاوى الأمريكان قالوا لهم يرشحوا نفسهم المرة دي. خصوصا ما فيش حزب غيرهم عنده حد ممكن يكسب. الجار طب ومين قالك أنهم هيسمعوا كلام الأمريكان؟ حصاوى وهما يقدروا ما يسمعوش كلام الأمريكان؟ أمال يسمعوا كلام مين؟ الجار طب و الحل إيه؟ حصاوى ما فيش غير أننا نجيب المترشحين ونعمل بينهم كلو بامية. الجار ما تهزرش.دي مسألة مهمة. قولي أسم واحد ينفع بس يبل الريق. حصاوى حاليا ما فيش غير واحد بس. الجار مين ؟ حصاوى الدكتور زياد أحمد بهاء الدين. الجار ودا بيشتغل إيه ؟ حصاوى دكتور اقتصاد. بس المهم أن أمريكا والغرب هينبسطوا منه قوي الجار أشمعني؟ حصاوى أصله بينادي نعمل مصالحة مع الإخوان وما نقصيش ولا فصيل , باختصار بيدعو لنبذ العنف والسلام بين كل أفراد المجتمع. الجار والله براوه عليه. دا يبقي أكيد راجل تقي ومتدين, ومش بعيد يكون مسلم بجد. حصاوى مؤكد.أمال الغرب كله هيفرح بيه ليه؟ ما هو عشان متدين ومسلم وموحد. الجار يبقي أحنا نرشح دا ونعمل له دعاية ويفط ومنشورات ونلم له فلوس عشان نعمل له دعاية .. حصاوى ( مقاطعا ) حيلك. راجل زى دا لا يمكن ياخد من الشعب حاجة. الجار يا سلام قد كده نفسه عزيزة ؟. حصاوي طبعا. لأنه لو رشح نفسه أمريكا والغرب مش هيخلوه يصرف مليم من جيبه هما اللي هيعملوا له الدعاية وكافة شيء. الجار بس مش غريبة واحد تقي ومتدين ومسلم, يشجعوا ويمولوا واحد زى دا؟ حصاوى أنت ما تعرفش ؟ الجار لأ. حصاوي ( هامسا) الرئيس أوباما هيعلن إسلامه قريب قوي. أمال هو كان واقف جنب مرسي وجماعته ليه وعايزين يرجعوهم كلهم. الجار الله أكبر. أنا مش قلت لك أن مرسي كان راجل كويس. حصاوى بس معرفش يمثل دور المتدين كويس.كان يقسم بالله العلى العظيم وتاني يوم يطلع كذاب. عشان كده راحت عليه. الجار طيب ما فيش غير زياد دا اللي بتقول عليه؟ دا أنا نفسي معرفوش. حصاوي حاليا ما نعرفش غير واحد بس ينفع يكون رئيس جمهورية حتى لو زعلت أمريكا وخبطت راسها في الحيط. الجار مين؟ حصاوي غريبة دا كل الناس عارفاه. مع أنه هو مش عايز يرشح نفسه. الجار مين هو بالظبط ؟ قولي عليه. حصاوي الفريق أول السيسي, بس الناس مش هتسيب حد تاني يييجي غيره. ( الجار يغشي عليه )
