ساويرس بيلعب في عداد نهايته.. داير لافف على رِجل ونص عالنقابات في جو " شو".. عينه عليها يا جماعة.. لف من ورا ودخل من الشباك في محاولة للسيطرة على قواعدها.. بدأ بالصيادلة ورايح عالحكما وفي الطريق للمحامين والمهندسين.. ساويرس ماشي على خُطى الجماعة اللي ماتتسماش.. بدأ مرحلة سورسة النقابات بعد أخونتها.. ملك الزيرو اتناشر بيلعب بالنار.. عين عالبرلمان وعين عالنقابة.. طموحه شاطح لفوق.. طمعان في إيه ساويرس؟؟.. في كرسي وزارة ولا كرسي محلب.. يخرب بيت عقلك الصعيدي لو الطمع شرخ للكرسي الكبير.. تبقى اتجننت رسمي يا سوسو.. لعلمك ولمخك الناشف ده، لا دستور ولا مندور يسمحان باللى هو في دماغ جنابك.. نصيحة: خليك في كوزك يا سوسو.. الاقتراب من اللغم خطر يا خواجة.. عنادك قد يكون مسمار نعشك يا ابن الأستاذ أنسي.. اسمع الكلام وهات ورا مارشيدير.. الاستمرار في الانطلاق إلى الأمام بسرعة زائدة جنون يا سوسو.. هَدّي السرعة.. وعدّي المطبات والزم حارتك في البيزنس وابعد عن حارة السياسة وغنيلها.. الوجوف جدّام الجطر هبل يا سوسو.