علي طراطيف صوابعه تاته تاته وخطي العتبة تاته ، ينتشر اليومين دول ويتوغل رجل الاعمال نجيب ساويرس كالسوس في الدوائر الانتخابية للسيطرة والحصول على أكبر عدد من المقاعد البرلمانية .. فلسفة زعيم زيرو اتناشر وملك الفرفرشة والنعنشة السياحية ، اللي تغلب به العب به واللي ديته قرش اقتله واخلص منه .. زعيم زيرو اتناشر ، ماشي علي مبدأ مؤتمر هنا ومؤتمر هناك ولْمّ الحبايب والاصدقاء والمقربين والمطبلين واصحاب المنافع والمصالح بهدف شراء كتل تصويتية .. ملك الفرفشة يركز علي دوائر انتخابية بعينها زي أبو النمرس ، نجع حمادي ، نجع المظليم ، مصر الجديدة ، قصر النيل ، بطن الفيل .. و الخ الخ .. عروض واغراءات زعيم زيرو اتناشر مستمره ومتصاعدة وصلت مرحلتها في كثير من الدوائر بدفع أموال ولحاليح بمئات الالوف "خلوّ رِجل " للمرشحين المحتملين ، والدفع بعناصر من رجاله .. ساويرس يحلم بالبيضة والحجر ، بالمجلس والحصانة ، قايم نايم صاحي وفي ايد جنابه موبايل وعلي طول ضربه الفايبيرشن الزاعق : زعيم زيرو اتناشر ينادي .. انتشروا في الدوائر ..البرلمان من اماماكم وفلوسي من خلفكم .. حوّل وسيطر .