لم يكتف الفسيخ بوجوده كطبق رئيسي على المائدة المصرية في شم النسيم، ولكنه أصبح حديث الساعة على موقع التواصل الاجتماعي "تويتر" في ليلة "شم النسيم. وأصبحت كلمة "فسيخ" أكثر الكلمات تداولا وانتشارا بين نشطاء "تويتر"، سواء بين من يحبه ومن لا يفضله. وقالت رانيا كرم "العيد الصغير: كحك. العيد الكبير: لحمة. مولد النبي: حلويات. شم النسيم: فسيخ و رنجة ... كده ناقص عيد تحرير سيناء وعيد العمال و نموت علي السفرة". وقال عبد الرحمن "اللى هياكل فسيخ والى هيروح حفله منبر كل واحد فيهم هيموت موته شنيعه". وأضاف علاء "إلى كل من اكل رنجة او فسيخ ريتويت قبل ما تتوفي :) ده احنا هناكل رنجة لما نتنفخ" وتابعت ايات نور "انا عملت كل حاجة غلط ممكن تتخيلها فى حياتى الأ حاجة واحدة ، عمرى ما كلت فسيخ " وقالت مي "ان غدا لناظره ... فسيخ"، وقال كارم "حد يلحقني يا جدعان خطيبتي بتاكل فسيخ حاليا وانا اصلا مبطيقش ريحته والله". وأضافت سلمى "هما ياكلوا فسيخ و احنا نتعذب"، وتابع مودي " شم النسيم ده عيد للمصريين كلهم ... لما بتروح سوبر ماركت كل الناس بتشترى فسيخ و رنجه مسلم مسيحى أى حاجه بيحتفل". وقال لؤي نجاتي "احنا بكل حماس بناكل سمك ميت متساب لحد ما يتنفخ ويتحلل وتطلع ريحته، وبنسميه فسيخ" وأضاف نسيم "احنا شعب بيشتري السمك المعفن ب80 جنيه على انه فسيخ ورنجة | ومقتنع ان حواوشي اللحمة اللي الكيلو منها ب65 ممكن الرغيف يبقى بجنيه ونص"