ياما كانقلبه فاتح ع الزمان كل أبواب الحياة بس تاه وسط المكان يُحكى أنه كان هناك كان معايا / كان معاك بس مش للامتلاك
نُص إنسانُه ملاك نُصه واقف للشيطان.... كانَ كائن ياما كان نظرتُه بتزكِّى نور يقرا ما بين السطور لما بتهيج البحور أو وشوش الخوف تدور ع البيبان.. يبقى الأمان... كانَ كائن ياما كان كل فَرْض يقابلُه جي بالضميرالحى .. حي كان بيزرع بكره ضي عرقُه كان للأرض ري خطوتُه تخضّر غيطان.... كانَ كائن ياما كان كان ف وقت القهر ضمّه قلب أم بحُب سمّي قال شهادتُه بكل همّه: لومهم تكونى أُمَّه.. الأهم نكون كيان.. كانَ كائن ياما كان صومُه عِفَّة رافْضة ذنب... منُه حاجه ف كل قلب كان ف طفل بيبقى شاب كان فى شاب بيبقى أب كان فى لمَّه للجيران ...كانَ كائن ياما كان كان قليّل ف الكلام بسّ أوقات العَلام صوتُه كان نُقطة نظام كان بيبدأ بالسلام كان مع جنود الميدان... كان كائن ياما كان شافوا ف خطوط كفِّه أرض واتسمع بيقول بِجد الصلا ف القدس فرض كان ف أب بيبقى جِد كان فى تسبيحة إيمان .. كانَ كائن ياما كان
