عزيزي الأب.. عزيزي الأخ.. لما تشوف بنتك أو أختك ملهاش في الكورة وفجأة بقت بتحب فريق معين... افهم يا كبير ان الحبيب بيشجع الفريق ده...الله يقدرنا علي فعل الخير يارب. لما تسمع مسئول وهو بيتكلم عن الأمن والاستقرار والاقتصاد تحس انه بيتكلم عن اليابان.. لدرجة اني باقوم أبص من البلكونة علشان اتأكد اني لسه في مصر! بنات لبنان والمغرب وتونس عاملين يحلوا أوي... بس انا صامد مع بنات بلدي مفيش أحلي من المصرية.. انا كذاب, انا عارف بس بحاول اقنع نفسي! المصري هو الوحيد اللي لما يقولك مع احترامي ليك... أعرف بعدها أنك هتتزأ بعدها يا كبير! عايز تعذب واحد مصري احكيله قصة من غير أسماء... يبدأ يسألك: يا أخي مين هو ده والنبي والله ما هقول لحد.. طب هو من عندنا في المنطقة.. طيب أنا أعرفه قولي بس: أبوس رجلك ريحني! حقيقة علمية هل تعلم أن البومة تستطيع أن تدير رأسها بشكل دائري إلي كل الجهات... سبحان الله.. نفس الشباب المصري لما يشوف مزه!! الاسطورة تقول: غيب يوم الخميس عشان تاخد3 أيام إجازة ورا بعض! ابتسامة.. فغمزة.. فحب.. فزواج.. فأطفال.. فجيب معاك عيش, وادفع الاقساط, فأرمي الزبالة, فجيب دواء وبامبرز.... اااااه يا ريتني ما ابتسمت... مغفل يسترجع شريط حياته!!!!! [email protected]