لما يسط الحرف دماغك إرفع حالة الإستعداد خش إتشكل جوه فراغك وإملا جيوب الكلمة مداد إوعاك تصارع فعلك بارع الشوارع رافضة تديك الحقيقة الدقيقة تمر فوق سطح البيوت التابوت مش قد مقاسك كاتم علي انفاسك . وراسك طاله من الكوه ، وهو يمشي في ريح الليل الويل لو تطرح تفاصيلك بره ، لملم كل اللي بقيلك اعزل نفسك م العالم اسكن في مجرة .
وان خدني سؤالك لبعيد انا اعيد الكره مش سامع صوتك ، إدخل ملكوتك وسكوتك غصبن عنك . مع انك مداري واداري علي الشمعة مبتقدشي متسيبش الخوف جوه في قلبك هتموت اكيد .. افزع في وشي .. اتنتر ارميني بحروف القصيدة
افضل بعيد فتش في وشوش الناس من جوه إدعي لخلاصك وخلاصي بالقوة!!