" اعمل لها ميت مادام بينك وبين الجنون يدوب شعره اتسحب كده بشويش توسوق في الهبل حبه لكن لو عدّت عليها الحدوته كالعاده أعرف خلاص انها رمت طوبتك فاعمل لها ميت وان بعادها خلي قلبك يوجعك وهي اللي مرضتش مره تسمعك قومت ضربت روحك بالرصاص ولما تشوفها اتخضت عليك ما تتطمنش ... هي اكيد عارفه ان ده مش دم بحق وحقيق بس هي من المفروض انها هتصدّقك وكمان محدش بياخد ع المجانين ومادام ده حلم ف قوم من النوم بسرعه وخلّي للحلم الجميل كماله يمكن تنفعك وهي بعيد وكرباج فراقها يلسوعك وانت مشتاق لها حقيقي انا مليش دعوه ف السر أخاف أعلنها ولا ف الهجره حد من اصحابي رضي يشاركني ف الرحله أنا اللي من صغري يتيم أصحاب علي بختي ولاشجرة ف الرسمه عليها جوزعصافير يمكني ألوّنها كبرت وصار بمكني أتنازل عن باقي أحلامي وعن حظي ف النشان الجاي وكمان أقدر أعمل نفسي مش فاكر إني الوحيد اللي بات باكي وإني المنتظر نجمه تبات ف شباكي إيه اللي بيجبرنا علي العيشه ف كون ضلمه ومرهون علي كلمه وعمر عجوز ونفسي ف حاجات ياما وسكينة الفراق تلمه بتدبح بس بالراحه للصباح اللي ابتدا بحسك مين وشي عن ضحكتك ياجميله للعصافير اتاريها كانت حاسه بكده وبتغير لو شفتي خضة الاحلام لما زعق بفراقنا نفير وانا اللي مؤمن بضيّك وماطاني بالفراق تكفير آه ياصباح إبتدي بصوتك مزيكا حنينه وصفافير ياجني الرطب وعنقود العنب قلبي جن مصور لو حطوا الف غفير النفس طالع باسمك بين شهيق وزفير