ستعداد.. ابتدي.. زي ما يكون بين نعاسك و القيام تلاتين سنه! يووووووووو.....ه !! برضك ح تكتب فيها تاني!! تمشيها حاره جوه حاره تتقسم علي طول حدودها و برها تترسم سقف لسماها و بحرها تبقي عايش مش لحالك أو لنفسك تتورب علي قد ناسها و أهلها تندهس حتة خضار جوه الغيطان أو سهم فوق أسفلتها... طب و " ايه " طعم غلب الغلب صابح مهما مال الكف طبطب لو تدور عني مره وشها يحرن العالم بحاله ! ولا " سامح" من سنبن العمر خمسه من معافرة دنيته شايل حمول زي الهوايل رغم انه ما عاشي لسه..! و لا " اسلام" المسافر فوق عناده لاخرته... طاوي ندهة يومه طي شارب الاحزان غناه مشتهي لحس المواجع زي ما تكون غيته..! كل ده والعشق لسه مدوبك و غاشيك لقاها كل ليله قبل نومك يستحي يدهس جفونك قبل ما تستاذنه: تصبحي علي خير يا مصر..