النظافة من الإيمان

الشعب ليه واخدها هَبَاله
ولاد وبنات وستات ورجاله
تشوفهم تقول عايشين عِواله
من عجز الموازنه وكُتر الزباله
-----------
مرميه الزباله فى كل مكان
وتبقى جدع لو نمت ياطرزان
من الناموس والريحة والدبان
وآدى الكلاب فى البلد جواله
-----------
يا محافظ ياللى قاعد فى التكييف
باعد وحافظ قواعد كلها تزييف
من عصركانت مصر ويا نظيف
والريس مبارك حالته كانت حاله
------------
يا رئيس الحى حس بنا حبه
قم من مكتبك كده وإعدل الأبه
القلب لما يحب يدب ميت دبه
مالك مدهول كده وعلينا كالعالة
----------
شايفين الزباله يا ناس كلكم شايفين
عاملين وزارة لناس كلهم قاعدين
ياخدوا البواكى ويحوشوا الملايين
ويسافروا يتفسحوا ويقولوا شغاله
-----------
يا معتصمين الميادين قوموا كده فذوا
قوموا إغسلوا الميادين لو كنتوابتحسوا
أو على باب الحسين والسيدة لِذوا
قاعدين كما العاطلين حلوين فى القِواله
------------