أشاد المخرج محمد دياب بفيلم " كلب بلدى"، الذى ينافس ضمن سباق أفلام عيد الأضحى المبارك، مؤكدًا أنه من الأفلام القليلة التى أضحكته منذ سنين طويلة.
وكتب دياب عبر صفحته الشخصية على موقع التواصل الاجتماعى "فيس بوك"، "شوفت فيلم كلب بلدى، وهو فيلم رائع ضحكت فيه أكتر من الحرب العالمية، ويمكن من أى فيلم عربى من سنين طويلة".
وتابع: "كلمة رائع مش بس بتتقال على الأفلام صاحبة المواضيع المهمة وبس ... الأفلام اللى معمولى عشان تضحك بس ممكن يبقى فيها جودة صنع وكتابة هايلة واهتمام بالتفاصيل والعناصر والشخصيات وتبقى أوريجنال مش مقلدة حاجة".
وأضاف "لازم يبقى واضح أن فيه ناس مش هيعجبها اللى هيعملوا فهمى وشيكوا وهشام ماجد لوحدهم ... لأنهم متعودين على التلاتة مع بعض ... بس ده هيتغير بعد شوية مع نجاحهم كلهم منفصلين.. هما عامة عندهم موهبة تمثيلية وكتابية وإبداع يكفى نجوم مصر كلها مش هما التلاتة بس".
فيلم "كلب بلدى" تأليف شريف نجيب وأحمد فهمى، وإخراج معتز التونى، ويلعب بطولته أحمد فهمى وأكرم حسنى وأحمد فتحى وبيومى فؤاد ومحمد ثروت ومحمد سلام وندى موسى وحمدى الميرغنى وويزو.
