مش ناسيكى

دوقينى شهد ريقك
وأعصرى كل المحبهة
بس أوعى تدوخينى
بشويش عليه.. حبه حبه
أصلى عاشق من سكات
قلبى منبع للمودة
وأنتى أصل الذكريات
لما كنتى زهرة شاردة
كنت أنا بالنسبة ليكى
زى حبات الندى
كل يوم تنزل عليكى
من يوم ما عشقى ابتدى
والليلادى قلبى حالف
أنه يرويلك غصونك
مهما كان البحر جارف
مهما كان الموج مخالف
قلبى حالف 100 يا مين
مهما كان لازم يصونك
وإنى أبقى حضن دافى
وإنى أكحلك عيونك
وإنى أقولك مش تخافى
مهما كان البُعد جافى
عهد قلبى منه ليكى
أنه شارى ومش ناسيكى