سيرك

ليه أصبحت فينا الذمم
دايبة ف مستنقع رِمم
والنفس غرقانه ف ذنوب
غطت معالمها العِمم
والشوك خلاص ما بقاش يصيب
غير الحبيب.. غير القريب
نستقوىَ ع اللى يحبنا
حتى الشرف بقى شىء يعيب
والكدب يوٌلد ميت حقيقة
صار الشيطان شيخ الطريقة
والورد يدبل ف الندى
وإن الخطايا أصبحت أشياء بريئة
والسيرك منصوب ف العقول
ولمين هنشرح أو نقول
بلياتشو دورنا ف الحياة
تايهين ما بين دولة ودول
أنا صفر ساكن ع الشمال
إنسان مهمش ف الآمال
لكن بقول الحق حق
ولا يوم خفيت راسى ف رمال