مانديلا

أبيض أو أسود لونك
ما يفرقش
ما دام الإيمان جواك
يا حر ما تخافش
مانديلا عمره ما خاف
ولا قلبه عرف الغش
كان قلبه زى الفل
رغم سمار الوش
مانديلا عاش وف موته
كان راجل
قضى سنين العمر مانديلا
بيناضل
والسجن ما هده ولا خلاه
يتنازل
مانديلا كان إنسان واللا
ملاك نازل
حبسوه وكان ظنهم بسجنه
يرتاحوا
وف قلبه كان الوطن أفراحه
وجراحه
والقلب ساع الكل بنوره
وبراحه
مانديلا هوه اللى عاش أما
الطغاه راحوا
حبوا يحاكموه هوه اللي
حاكمهم
وحنوا الرءوس م الذل
لما بصلهم
سجنوه وهوه البطل
وف سجنه هازمهم
مانديلا رغم السجن
كان هوه ساجنهم
لو أنعى مانديلا
بأنعى أنا الإنسان
اللى كتب بصموده
المجد للأوطان
مانديلا عاش ف الضمير
لأنه عمره ما خان
مانديلا صوت الحق
لكل زمان ومكان