جيفارا الشعر مات

وقت الألم ساعة الآهات
فيها الوطن ينعى اللى فات
كان الخبر فى الإعلانات
بيقول جيفارا الشعر مات !
مات اللى كان صوت الأمل
مات اللى كان يحيى الآهات
مات اللى عاش عمره عمل
مات زى جندى فى حرب مات
آخر قلم كان حر فينا
أول لسان شتم الطغاة
آخر خبر بكى عنينا
كان جيفارا الشعر مات
مات عمى نجم
يعنى صوت للحق مات
اللى كان يصرخ تعبنا
وقت ممنوع الكلام؟
اللى كان يحمل تِعابنا
وقت ما نحس بآلام
اللى كان ع الظلم رادع
فى القصيدة بالكلام
اللى ما سلم كخاضع
أو قبل هذا السلام
مهما قلت يا عم نجم
أنت أكبر م الكلام
أنت تاريخ م الذكريات
زى التراث والأهرامات
آخر خبر أثر علينا
كان جيفارا الشعر مات