" مطلوب رئيس " قصيدة جديدة ل مصطفى الجابري

وضع الشاعر مصطفى الجابري، رؤيته الشخصية، للرئيس القادم، وصاغ تصوره في قصيدته الجديدة " مطلوب رئيس " والتي قال فيها..
مطلوب رئيس على حلمنا " يحمي المنام
مطلوب رئيس على قدنا " يمسك زمام
مطلوب رئيس يعني الطلب " مطلوب همام
وقت الصلاة في صفنا " يبقى الإمام
مطلوب رئيس يمسك زمام الحكم في بلاد الأنين
مطلوب رئيس زي الأمل قول وعمل لأربع سنين
الشعب ذاق مُر الزمن دفع الثمن مطلوب حنين
مطلوب على قد الطلب يعني الطلب مطلوب أمين
يرجع الحلم اللي غاب عن حلمنا من ميت سنة
يرجع الفرحة وطرحة نزف بيها حلمنا
يشفي الألم ينهي الخصام يفهم لغتنا في صمتنا
مطلوب رئيس زي العريس من فرحه يفرح قلبنا
مطلوب بطل يحمل هموم الشعب ويعيد الأمان
مطلوب جدع ولا يوم خضع مش مرتجع نفس اللي كان
مطلوب أجل راجل عمل فيه الأمل يحمي المكان
مطلوب على قد الطلب صوته طرب حب وإيمان
فيه من عمر يشبه صلاح وكأنه ناصر تاني عاد
فيه من عمر عدله أمانه قوته رح التواضع لما عاد
فيه من صلاح كل الصلاح حب الوطن نصر العباد
فيه من جمال روح الجمال. عزة وكرامة الحق عاد
يا ربنا مطلوب رئيس من دولة 100 مليون رئيس
مصر الحبيبة وجنتك مطلوب لها أعظم عريس