"سما المصرى": أنا وباسم يوسف.. وجهان لعملة واحدة !!

علقت الفنانة سما المصرى على الهجوم عليها بسبب كليبها الأخير، والذى سخرت فيه ممن يطلقون على أنفسهم الإسلاميين،:وهما ولاد أبو إسماعيل محروقين ليه!؛ أنا باسخر من المتأسلمين والناس اللى بيشوهوا الإسلام؛ وحطيت صورة حسن البارودى كرمز للشكل الإسلامى السيئ؛ إلا لو كانوا هما شايفين نفسهم زى حسن البارودى فى فيلم الزوجة التانية".
وأضافت: "وبعدين يعتبرونى زى باسم يوسف أو الوجه الآخر له؛ فكل منا يعارض النظام ويسخر من المتأسلمين وتجار الدين ولكن بطريقته؛ هو ببرنامجه وأنا بالأغانى.
كما علقت "سما" على مقاضاة المحامى نبيه الوحش لها: "وكمان المحامى اللى اسمه الوحش ده إيه اللى حشره فى الموضوع؛ دا غاوى شهرة على قفا أى حد وبيدور على أى فرصة عشان يظهر فى الإعلام والصحافة؛ بس زى ما قلت قبل كده لو هو وحش يبقى على نفسه ومكانه حديقة".