شهدت الساحة الفنية مؤخرًا اعتزال عدد من الفنانين لأسباب وظروف مختلفة وكان آخرهم مؤدي المهرجانات مسلم، الذي أعلن اعتزاله للفن وقال إن: "المجال لا يناسبه"، ومن خلال السطور التالية ترصد فيتو فنانين اعتزالوا الفن في عام 2022. مسلم أعلن مؤدي المهرجانات مسلم، اعتزاله الغناء بشكل نهائي، وذلك دون الكشف عن تفاصيل. وكتب "مسلم"، عبر إستوري حسابه موقع الصور الشهير "انستجرام": "سامحونى لأول مرة أطلع عن حدودي فعلًا وأقول إن هذا المجال لا يناسبني بشيء.. كنت أحلم كثيرًا بأنني أحقق حلمي ونجحت في ذلك والعلم عند الله إن كان صح أم غلط". مسلم وأضاف مسلم: "بس أنا عملت كل اللي عليَّ.. مخدتش منه غير وجع قلب وانتهاك حقى إذا كان من منتج أو صاحب أو حتى حبيب.. مش راجع غير وأنا مقتنع إنه أنا فعلًا حر وقادر أن نصنع حاجات كثير مش عشان خاطر حد وأنا دوري مش موجود أساسًا.. أشوفكم على خير".
حسين أبو حجاج وفي شهر مايو الماضي، أعلن الفنان حسين أبو حجاج، اعتزاله الفن نهائيًاّ، وقرر عدم العمل في المجال الوسط الفني، باستثناء العمل برفقة الفنان أحمد مكي.
وقال أبو حجاج: "أنا اعتزلت التمثيل ومش هشتغل غير مع أحمد مكي، لأنه رغم نجوميته مش عامل نفسه نجم على الناس اللي موجودة معاه".
وقال عن الفنان أحمد مكي: "الراجل ما شاء الله عليه أخلاقه وثقافة وعلم وكل حاجة فيه حلوة فريق العمل بقالنا 6 سنين بنشتغل مع بعض وبقينا أسرة".
وأوضح حسين أبو حجاج سبب استمرار عمله ب "الورشة، قائلًا: "الورشة بالنسبة لي مكان الناس فيه بتاكل عيش، أقفلها ليه؟ وبعدين لو أنت فنان وما عندكش مشروع يسندك ولا ليها لازمة، وأنا أعرف فنانين كتير مش لاقية تاكل". حسين أبو حجاج وأكمل "المحل بتاعي موجود أمام قصر ثقافي في بلادنا، وكان في مخرج،جاي يصور فوازير في القناة السابعة، وشافني قال لي أنا عايزك تعمل معايا خمس حلقات في الفوازير".
شريف إدريس وفي شهر مارس الماضي، أعلن الفنان الشاب شريف إدريس اعتزال الفن وذلك بسبب تعرضه للكثير من الصعوبات بالوسط بالإضافة لقلة أعماله الفنية في الفترة الحالية وعزوف المخرجين والمنتجين له.
وكتب شريف إدريس منشور صادم عبر حسابه الشخصي بموقع التواصل الاجتماعي فيس بوك قائلًا: بسم الله الرحمن الرحيم.. بعد 35 سنة سعي وتعب وشقى في الوسط الفني؛ قررت الاعتزال والابتعاد تماما، وتغيير مسار حياتي، وأي حد عنده فرصة سفر ليا هكون شاكر ليه، وده طلبي الوحيد.
اعتزال شريف إدريس وتابع شريف إدريس: دا قرار أخدته بعد ما الأمور وصلت في الوسط الفني لمرحلة عبثية؛ وصلت أني بقيت بشوف بعض الزملاء بيشحتو الشغل علني علشان يشتغلو لأن الشغل بقى متقسم على ناس معينة، فلو الأمور وصلت لكده أبعد أحسن. شريف إدريس وأضاف شريف إدريس: حتى لما بيجي شغل بيتفرض عليك توافق بأقل الفلوس، وتخرج من الشغل مديون، ومواقف مهينة زي أن شركة إنتاج تعرض عليك أجر هو قيمة ربع أجرك، والسبب أن الميزانية مصروفة على الديكور.. طب خلو الديكور يمثل.
فيما استكمل شريف إدريس: هحكيلكم موقف حصل معايا من أسبوع اتصل بيا حد قالي عايزين حضرتك بكرة، عندك تصوير في مسلسل كذا، بس هتدفع 10% للكاستينج دايريكتور، كان هيجيلي جلطة بعد ما قفلت المكالمة، ووافقت علشان أنا محتاج أشتغل ومحتاج فلوس، وماقدرتش استوعب الفكرة بصراحة، أني بعد العمر ده.. مضطر أدفع علشان أشتغل.. فاتصلت واعتذرت.
واختتم الفنان شريف إدريس ب: ده الحال حاليًا..أن الأمور بقت في إيد كاستينج دايريكتور وده موقف من مواقف كتير مريت بيها، لو حكيتها محتاجة كتاب مش بوست على الفيس، فطالما الشغل بقى لازم يتدفعله، وطالما الشغل بقى بالشحاتة، يبقي بلاش أحسن.
أشرف عبد الباقي يساعد شريف إدريس في العودة للفن وبعدما قرر الفنان شريف إدريس اعتزاله للمجال الفني قام أشرف عبد الباقي بمساعدته في العودة للمجال والظهور مرة أخرى من خلال مشاركته في مسرحية "العيد فرحة".
