حكاية إسراء طارق وشقيقتها الطفلة.. يتيمتان هزتا مشاعر آلاف المصريين

تفاعل آلاف المصريين مع قصة الفتاة اليتيمة إسراء طارق، التي توفي والدها منذ عام وغادرت والدتها الحياة في شهر رمضان الماضي، وتركت إسراء وشقيقتها الصغيرة- طفلة ذات 6 سنوات-، يعانيان في الحياة وحدهما، الصدمة الأولى جاءتهما من الأعمام عندما طلبوا منهما بيع المنزل الذي يأوي الفتاتين ليحصل الأعمام على ورثهم من شقيقهم المتوفى، ونسوا أن الفتاتين ليس لهما مكان آخر تعيشان فيه غير هذا المنزل.
حكاية فتاة هزت مشاعر المصريين
وأكدت إسراء طارق إن حكايتها المحزنة والصادمة في آن واحد استقطبت عددًا كبيرًا من المصريين، وأنها تتلقى ما يقرب من 30 ألف اتصال في اليوم للتضامن معها وحل مشكلتها وشقيقتها الصغيرة.
حكاية إسراء طارق، التي سردتها عبر مواقع التواصل الاجتماعي، أصابت المصريين ونشطاء التواصل الاجتماعي بالصدمة والذهول من ترك الفتاتين يتخبطان في الحياة دون أن يجدوا نصير لهما، حيث تفاعل الآلاف من المصريين مع حالة إسراء وشقيقتها.
بدأت حكاية إسراء المحزنة عندما كتبت مأساتها عبر جروب "قانون الأسرة المصرية" بموقع التواصل الاجتماعي فيس بوك فقالت "أنا أبويا اتوفى من سنة، وماما توفيت في 26 رمضان اللي فات.. عندي أخت صغيرة 6 سنين، ومليش أخوة ولاد، ليا أعمام..عايزني أبيع البيت عشان ياخدوا ورثهم فيه".

حكاية محزنة
وتابعت إسراء طارق حكايتها المحزنة والمؤثرة فقالت: "أنا مليش مكان ولا مأوى ليَّ أو لأختي غير بيتنا دا، ونصيبنا مستحيل يجيب لنا شقه وأنا مش عارفه أروح فين، فهل فيه قانون يوفر لي مسكن، لأننا بنات وما لناش مأوى غير بيتنا دا (أنا اتضربت كذا مرة من عمي الكبير عشان أمضي وخايفة أمضي أبقى في الشارع، وأهل ماما من ساعة ما توفيت ما سألوش عليَّ باتصال"
وتابعت حكايتها قائلة: "أنا مش معترضه على حقهم أنا عايزة نقعد في البيت لحد حتى ما أتجوز وآخد أختي معايا لكن أروح فين دلوقت وأنا معنديش دخل خالص للإيجار برا، لأن مفيش دخل لأكلنا وشربنا أصلًا وعايشة على السلف لحد ما أقبض معاش بابا وماما".
وقالت إسراء طارق "ماديًّا حاليًّا مش هقدر أرفع قضيه لأني مش معايا اتعاب المحامي فعايزة أعرف فيه حاجه ممكن تخليهم يسبوني قاعده في البيت لفتره مؤقته لحد مثلا متجوز واخد اختي!! ولا ايه!! أرجو تفيدوني".

الهبة المشروطة
تفاعلت المحامية الحقوقية وعضو المجلس القومي للمرأة نهاد أبو القمصان مع حالة إسراء طارق وكتبت عبر صفحتها بالفيس بوك "حكايات نهاد" قائلة: " نقل التركة كلها ماعدا جزء صغير يفضل لأصحاب التركة في حياتهم ونعمل عليه (الهبة المشروطة) بعد الوفاة- دا الحل القانوني للحفاظ على الميراث كله للبنات".
وتابعت نهاد قائلة: "أولا: البنتين اللى عمهم عايز يستولى على ميراثهم حد يوصلنى بيهم.. كل اللى كتب البوست يبعت لى وسيلة اتصل بيها وربنا يقدرنى واحميها هى وورثها، ثانيا: ( الهبة المشروطة ) الحل للحفاظ على الميراث كله للبنات: تكتبو كل شئ باسم البنات، نقل التركة كلها بيع وشراء وتخلو اللى يكيفيكو انتو فى حياة كريمة، وتعملو في الجزء اللى خلتوه باسمكو ايه؟ علشان ما يروحش لحد غير البنات تعملو (هبة مشروطة بالوفاة) يعنى بتوهبوها للبنات بشرط انتقال الملكية بعد الوفاة لكن طول ما انتو عايشين تتحكمو فيها وفى عوائدها"
إسراء طارق
وقالت "طيب لو التركة كلها يا دوب شقة او بيت زى البنتين دول يبقى الحل بردو (الهبة المشروطة بالوفاة) ينكتب البيت هبة للبنتين لكن تفضل تحت يد الاب او الام لحد الوفاة هل يمكن الرجوع فى الهبة؟ طبعا اى وقت مش قلنا بتفضل تحت تصرف صاحبها وتنقل الملكية بالوفاة"
حلول قانونية
وتابعت نهاد أبو القمصان "بطمنكو فى حلول قانونية كثيرة ممكن نستخدمها للحفاظ على ميراث البنات بالنسبة للحالة دى تحديدا: 1- العم ملزم بالانفاق على بنات اخوه وممكن يرفعوا قضية نفقة عليه (ما هو شرعا الميراث قدامة مسئولي) 2- البنت الصغيرة (4 سنين) يعنى البيت كله تحت رقابة المجلس الحسبى ( لو العم مبلغش المجلس الحسبى دى جريمة).. 3 - الاعمام الثلاثة كلهم نصيبهم اول عن اخر حوالى السدس (15٪) ليه؟ لان البنتين هيورثو الاول نصيب الام اللى ورثته من الاب لانها توفت بعده ودا 1/8 (الثمن) وهيورثوا نصيبهم 2/3 (الثلثين)"
وقالت نهاد "يعنى 3 اعمام الغفلة دول نصيهم حوالى السدس (1/6) كلهم كدا على بعضهم 15٪ من البيت- نائبهم على شونة اصلا بعد الفيلم دا) 4- تعرض البنات للضرب (جريمة ضرب ) عقوبيتها الحبس"
تفاعل 30 ألف مصري في الدقيقة
وفور كتابة التدوينة تفاعل آلاف المصريين مع حالة إسراء، وهنا كتبت إسراء تدوينة على حسابها بالفيس بوك قالت فيها "أنا نزلت البوست في جروب (قانون الاسره المصريه) ونمت وصحيت لقيت الدنيا اتقلبت وانا مكنتش عندي امل 1٪ انه يحصل ربع ال حصل معايا وكان غرضي من البوست اني اشوف حل قانوني ومحامي يقف جمبي لحد ما اقدر ارجع حقي"
وتابعت إسراء حكايتها فقالت: "النهارده الصبح لقيت اتصال من مكتب رئيس الوزراء وبتاخد بياناتي عشان تساعدني في مشكلتي مع اعمامي، والاستاذه نهاد أبو القمصان نزلت البوست عندها وبتدور عليا عشان تترفعلي وعايزه تتكفل بكل حاجه... وناس كتير اوي بيبعتولي يقولولي اتواصلي مع المحاميه بتدور عليكي واللي دخل يهون عليا ويقولي انا جمبك (شوفت فيكم حنيه مش ف اهلي ولولاكم مكنتش وصلت لربع ال انا فيه دا مذيعين من قنوات عايزين يصورا معايا ويصعدو الموضوع وناس معرفهاش عايزه تقف جمبي من غير سابق معرفه، انا مره واحده لقيت عوض ربنا بيجيلي بدون مقدمات وكنت فاكره حياتي كلها سوده، الا ان عوض ربنا وطاقه النور ظهرت مع بدايه صبح النهارده"
وأضافت إسراء "كل الشكر ليكم ولكل الناس ال وقفت جمبي حتي بالكلام انا مدينه ليكم بكل الشكر، والناس اللي دخلتلي عايزه تساعدني ماديًا أنا مش محتاجه فلوس ومطلبتش من حد فلوس انا كل الل كنت محتاجه من البوست ال نزلته، محامي يتولي قضيتي واتعابه هيخدها بعد ميرجعلي حقي لكن انا مش محتاجه مساعدات مديه من حد وشكرا جدا لكل اللي عرض (ربنا يجعل دعواتي ليكم كلكم من نصيبكم) بدون مبالغه انتو حيتوني انا واختي من جديد"
بسبب خلافات الميراث.. وفاة مُدرس على أيدي أبناء عمومته ببني سويف
بعد حجز القضية للحكم.. حكاية أب خطف ابنته وعذبها بسبب الميراث
وأضافت إسراء "جماعه موضوعي بنسبه 98٪ اتحل خالص وحقي جاي جاي بشكركم كلكم على وقفتكم جمبي وبطمنتكم عليا انا بخير انا فكرت اقفل الاكونت يومين لحد ما الدينا تهدا عشان بيجيلي فوق ال30 الف مسج في الدقيقه ومبقتش عارفه امسك الفون (فمتقلقوش انا بخير وربنا كبير وكريم وعوضه حلو اوي... وربنا بعتلي اللي هيخليهم معرفوش يتعرضولي عمرهم كله فانا هقفل الاكونت فتره لحد ما الدنيا تهدا طالما عرفت معالم مشكلتي هتتحل ازي وبشكر كل اخت وراجل جدع سأل عليا وهمه امري"