باسم سمرة: اشتغلت مدرس رسم ونقاش ومقاول قبل التمثيل | فيديو

قال الفنان باسم سمرة: "أبويا كان راسم ليا خط إني اشتغل معاه في موضوع العربيات وقتها كنت اتخرجت واشتغلت مدرس رسم صناعي فكان عايزني امشي في الطريقين".
مهنة باسم سمرة قبل التمثيل
وأضاف خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "قعدت سنتين في مهنة مدرس الرسم الصناعي بمدرسة الصف الثانوية بنين وعملت خلالهم فيلم مع الطلاب بتوعي اسمه صبيان وبنات وحجاب مع المخرج يسري نصر الله".
أول فيلم لباسم سمرة قبل الشهرة
وتابع: "تركت التدريس لإني كان الشغف والحب للتمثيل عندي من صغري وأثناء وأنا بدرس حصل نقاش بيني وبين يسري نصر الله حول الحجاب وأن ممكن اشخاص محجبين يبقوا إرهابيين فأنا قلت له لأن فيه ناس محجبة بالفطرة، ومن هنا قررنا نعمل فيلم صبيان وبنات وحجاب وكان فيلم أكتر من رائع وطلعنا به مهرجانات، وبعد الفيلم دخلت معهد فنون مسرحية دراسات حرة واتجهت للتمثيل".

الحالة المادية لباسم سمرة
وواصل: "لما تركت التدريس واتجهت للتمثيل والفن كانت ظروفي المادية متوسط الحال لا أغنياء ولا فقراء، احنا الطبقة الغاطسة الطافية، وتغيير المجال مكنش مشكلة بالنسبة لي لإني باشتغل من وأنا صغير وباكسب".

لمشاهدة الفيديو هنا
وقال: "اشتعلت في النقاشة وكنت نقاش نص نص والمقاولات وكل حاجة ومرة اشتغلت في منطقة اسمها الحمام كانوا بيأسسوا مدينة وكانوا بيعملوا خطوط مياه وكان شغلته متابعة أي تسريب بيحدث".

من على الحصان.. عمرو الليثي يحاور باسم سمرة في "واحد من الناس"
منعطف خطر.. لحظة اعتراف باسم سمرة بحقيقة ماضيه لريهام عبد الغفور | فيديو
وتابع: "بعد كل المهن اللى اشتغلتها تظل اكتر مهنة حبتها هي التمثيل".