عمرو أديب.. الإعلامي المشاكس «بروفايل» اعتذرت سيدة تدعى رباب رجب، إحدى ضحايا الطلاق، لأولادها على الهواء، وقالت: « أنا آسفة علشان مبقتش قادرة أشوفكم علشان بشتغل 14 ساعة، وأنا آسفة إني قولت لكم شوفوني في التليفزيون لأن ده الوقت الوحيد اللى ممكن تشوفوني فيه». وأضافت خلال لقائها ببرنامج «كل يوم» تقديم الإعلامي عمرو أديب المذاع على فضائية «أون أي»: «أقسم بالله مبقتش بشوف أولادي غير وأنا بإيديهم السندويتشات الصبح قبل نزولهم للمدرسة ولما أرجع ألاقيهم نايمين». وتابعت: «كنت متزوجة رجل أعمال وعشت 7 سنوات معه في فيلا كانت عبارة عن مقبرة، ومكنتش أقدر أبص من الشباك، والأكل كان بيجي لي زي القطط، ولذلك قررت طلب الطلاق، وزوجة طليقي الثانية قالت لي: إحنا مش هنصرف عليكي وعلى أولادك، وطليقي رفض الإنفاق على أولادي، قال لي: أنت طلبتي الطلاق وعايزة تنفصلي وأنا هاربيكي وفعلا أنا اتربيت».