«البنت دي» قصيدة لمحمد عبد القوي حسن

دي بنت دي
والا الأحاسيس كثفوها
طلعت في هيئتها؟
دي بنت مين؟
أصل القمر
بيموت ليلاتي وينتحر
على درب طلعتها
بنت اكتمال الزين.. والا
والا النبيذ معقود
على صفو ضحكتها؟؟
***
يامين يراودك ياعسل
وانت اللي من أجود طبيعي
على شهد رقتها
يامين يراضي النخيل والسحر
اللي يهفهف سلام وعلام
وكلام ماهوش مفهوم ولا معلوم
ف عطفتها
كلام يتحس بالنبض بس
أو يترش فوق خدود الورد
أو ماحد
ماحد قالوا في تاريخ الكون
لحد
غير الحلوة دي
ياما احلى نسمتها
ياما اندى رقتها
ياما ابهى طلعتها
***
ياما قالولي ف الكتب
وقريت عن الأساطير
ياماااااااااااااااااا
في أحلام المنى
في بساتين رياض الجنان
حلمت ياما كتير
مع الحظ السعيد الجميل
إني ماشفت بنت
زي هذي البنت
لاف حلم أو حتى علم
صلوا ف روضتها
***
أو قيموا أعراسكم
هناك كلها
على شط ندهتها
أعراس
أعراس كتير ياما جميلة
بتتمنى تاخد
م البنت دي
من عينها كحلتها
م الشفة بسمتها
أو حتى ضحكتها
ندهتها
أعراس كتير
يتزينوا
ويضيع جمالهم هباءً
على ورد دخلتها
أقمار كتير يتغندروا
ويضيع دلالهم
على ضي نظرتها
البنت دي
تشبهش حد
ولا ليها ند
إني أعيذها يارب الجمال والكمال
من كل حاسد حسد
من كل كيد
واصطفيها للرضا والانسجام
واخاف عليها
من النسيم اللي يهفهف بالسلام
واغار عليها
من عيون
كل البناويت اللئام
ومن اللي يمشي ف دربها
من كل عين نظرت لها
من نفسي
ساعة ماتهيم
في حسنها
يابختها
بنت النسيم والضحى
بنت الندى والرضا
بنت الوداد والدلال
لما الكمال
يطلع يغني
في ضم خطوتها
وعازفين مزامير التمني
يتمايلوا لرقتها
المنشدين صفين
والمكللين صفين
والواصفين سحرها
صفين
والمغرمين ضيها
صفين
والعاشقين وردها
صفين
والمطربين
الرسامين
الفنانين
والراقصين
والممثلين
والمبدعين
ياما كتير
بيميلوا ف غنوتها
***
تسمع الكروان
تقول الله
تسمع نغم أوتار الكون
ف الصفو والملكوت
تقول الله
تسمع لصوت البنت دي
فتهيم ف حضرتها
والنطق منك يضيع
والشوف يتوه ف الربيع
بنت أم قلب وديع
انقى من صفاء الملايكة
واصفى من العسل الطبيعي
من مناحل السندسات
بساتين
ومن مناهل الورد تين
فدادين
ومن أشجار عصاري الكناريا
وبحار ليالي الجنان
ملايين
من عندليب الأمان
من شهد رقتها
يامااااااااااااااااااااا
هويت ياجميل
يامااااااااااااااااااااا
عبرت شطوط
خطيت حدود ورسيت
مراسى شطوط
وقطعت أميال كتير
من عمر كله غنى
علشان تنول المنى
توصل لسكتها
***
وأول ماتوصل
ياسعيد الحظ
يامتهني
وتحط عينك
بس
فوق شطوط التمني
على طلع مانجتها
فتدووووووووووووووخ
ياعيني من السحر
وتضيييييييييع
من بين الشجر
وتحس أنه
فيه مطر بيرخ
فوقه زهر
ويغني جنبك قمر
تحلم
بطول العمر
وتموت فداء
ياسليل المجد
بين عيدان الورد
بين الفل
وانت تموت بتطل
على غنا الفراشات
ورقص اجمل الحوريات
اللي بينشدوا شعرهم
في موكب الأمنيات
موكب خروج البنت دي
الطالعه تمر تهل
بعيونها الجميلات
على ورد جنينتها
البنت دي
والا
الأحاسيس كلها
كثفوها
طلعت في هيئتها
؟؟؟؟؟