شلاليت

شوفتوا آخر نكتة إيه
اللي مخلوع والعصابة
كلهم مظاليم يابيه
والمحامين بالمغالطة
قالوا إن التهمة باطلة
والبراءة أمرواجب
واعتذار الشعب ليهم
في القانون منصوص عليه
قال وإيه؟!!
البيه ما شافشي.. ما اعترفشى
والتهم تلفيقة ليه
وإن كل الشهدا ماتوا
صدفة في حفلة باليه
يبقي بتحاكموا اللي سرقوا
واللي مصوا دم كل الشعب ليه؟
شعب كله شاف بعينه
والمحامي قال ماشفتش ما أنكسفشى
لما كل الناس قالوا له
نكتة بايخة
والجميع ضحكم عليه