فيديو| عمرو أديب: «دلوقتي كلنا بنطفي النور عشان الفواتير بتوجع»

قال الإعلامي عمرو أديب، اليوم السبت، إن ظروف المرحلة الحالية الصعبة اقتضت على جميع المواطنين ترشيد الاستهلاك في جميع المستلزمات، مضيفًا: «يعني دلوقتي كلنا بنطفي النور، عشان الفواتير بتوجع».
أضاف أديب، ببرنامج «كل يوم»، عبر فضائية «ON E»، «كان زمان النور يفضل منور زي ما إنت عايز، والتليفزيون اللي كان بيتفتح من بداية اليوم لأخره مبقاش كده، لكن الفواتير القاتلة غيّرت تصرفاتنا وتعاملتنا، كلنا غني وفقير، ما هي الناس بتتعب في القرش».
تابع: «حصل في مرحلة الإصلاحات الاقتصادية دي حاجتين، أولًا أولويات الناس اختفلت، ثانيًا الناس كلها بقت بتشتغل أكتر، كل الناس في الفترة الأخيرة بتدور على شغل إضافي، عشان يقدروا يلبوا المتطلبات، الناس بتتدبح حرفيًا وبتشتغل».