فتاة تروي معاناتها من قلة الملابس المناسبة للحجاب في مصر

تداول عدد من رواد موقع التواصل الاجتماعي فيسبوك، منشور لإحدى الفتيات المحجبات تناشد فيه المحلات وشركات صناعة وتوفير الملابس التي تناسب الفتيات المحجبات.
وقالت: "زعلانه جدا والله و كلامي ده هيزعل أي واحدة محجبه برضو، النهاردة نزلت علشان أجيب لبس عادي جدا، عارفين يعني ايه كل اللي موجود في المحلات hot shorts وhot skirts وdresses وايه الدنيا ورد خالص، ده حتي مفيش بنطلونات، والله مش مهم ده كله قولت اجيب حاجه وتتلبس من فوق، كل اللي موجود يا كات، يا نص كم، ومقطع ومخرم، يا مفتوحه من الضهر، يا كتفها ساقط، يا مفتوحة جدا من فوق ،حتي مينفعش تجيبيه وتلبسي عليه جاكيت اوcardigan وال cardigan اللي موجودة كمان مخرمه و اللي مفتوحة من الضهر".
وأضافت ساخرة: "عارفين يعني ايه المحجبة في عز الصيف ده علشان تلبس لبس حلو وشيك تعمل ايه؟! هتلبس تي شيرت بكم لحد الرقبه وتجيب التي شيرت المقطع تلبسه و تلبس فوقيه الcardigan المخرم وتستني الشتا عشان تجيب بنطلون بقا".
وتابعت: "والله في بنات محجبه لسه في البلد والله ولسه بيدورا علي لبس بكم خفيف يهون عليهم الصيف و الحر والله"، موضحة: "أنا مليش دعوه والله باللي مش محجبات.. البسوا اللي انتوا عايزينة.. بس فعلا لازم يكون في الماركات كلها في مكان للمحجبات، ما هو مش علشان انا محجبه المفروض اكون مبهدله في نفسي يعني".