ممدوح عبد العليم في آخر حوار قبل وفاته: «أنا سبت السينما علشان محترم»

قال الفنان الراحل ممدوح عبد العليم، في آخر حوار إعلامي له، ببرنامج "بوضوح"، المذاع عبر فضائية "الحياة"، مع الإعلامي عمرو الليثي، إن الاحترام هو سبب تركه للسينما، واعتزاله عام 1994.

وأضاف "عبد العليم": "أنا بحب السينما لدرجة محدش يتخيلها، السينما دي عروستي وصرفت عليها من جيبي كتير، لكن لما الأمر يوصل للابتزال والأفلام كلها تبقى مش محترمة يبقى لازم أبعد وأحترم نفسي.
وتابع: "أنا غير ناس كتير من الفنانين اللي فضلوا في السينما لحد ما هي قالتلهم مع السلامة، لكن أنا سبت السينما بسبب احترامي لنفسي واحترامي للفن اللي بحبه".