الأهلي نيوز : مفيش احتمالية 1% لاستمرار لاسارتي مع الأهلي دي قصة منتهية مش محتاجة حتى معلومات وانفرادات ولا المفتش كرومبو ، القصة منتهية لا لاسارتي بعد اليوم الأزمة حاليا في الشهر إلا اللي هنقضيه زي السلحفاه الشهيرة في الدراسات واللجان الأساسية واللجان المنبثقة والفحص والتمعن وفي النهاية ياريتنا بنجيب حد يقدملنا العادي حتى! الأهلي نيوز : خوف بين جماهير الاهلي من تأخل أختيار المدرب الجديد
الأهلي نيوز : مفيش وقت ولازم قرار سريع من إدارة الاهلي .. هناك سوبر مصري بعد 30 يوم .. اتحركوا بأسرع وقت .. احسموا أمركم .. لو مصري يبقى بسرعة قرروا مين مختار ولا النحاس ولا ربيع .. المدرب العام مش محتاجة لو النحاس مش مدير فني وطبعا أنا شايفه حاليا مينفعش يبقى هو أول خيار للمدرب العام .. المدرب المساعد عندك كتير شوف كمونة أو عادل مصطفى أو غيرهم ومش شايف أفضل وأنسب من عادل مصطفى الحقيقة .. مدرب الحراس مش محتاجة أحمد ناجي وكفى .. وسيد عبد الحفيظ يكمل كمدير كرة
الأهلي نيوز : طيب لو اختيارك أجنبي لا تجهز ميزانية كبيرة وتبحث في ليفل عالي لا كفاية تجارب .. دياز أنا مبقتش متحمسله زي الأول لإعتبارات عديدة لكن لو متاح يجي طبعا .. أو تشوف مدرب قوي صاحب شخصية يجي بجهازه بالكامل ، احسم قرارك بسرعة لو دياز مثلا أجري عليه وخلص .. بدل ما نعمل اجتماعين في الاسبوع نعملهم في يوم .. لو محتاجين 36 ساعة دراسة ناخدهم متواصلين مش نقسمهم على 3 أسابيع! ده المفروض يكون فيه شغل بيتم حالا حالا أساسا
