شدد الدكتور على عبد العال رئيس مجلس النواب، على أنه «لا داعي للعواطف في بناء الدولة لأنها تقوم على أسس دستورية»، موجهًا حديثه للنواب، متسائلًا: «أنا عايز أسالكم سؤال بجد.. انتو عايشين في عالم مفتوح ولا مغلق؟». وتابع رئيس المجلس حديثه خلال الجلسة العامة للبرلمان اليوم الاثنين، أثنماء مناقشة مشورع قانون نقابة المحامين: «ننظم كل شئ وفقا لمعايير عالمية، واليونسكو تضع تنظيم ومعايير لكل شهادة، وتمسك الثانوية العامة المصرية وتقولك دي معادلة للشهادة الفرنسية او الالمانية او الانجليزية».
اذا كنتوا عايزين تلغوا المعايير وكل واحد يشتغل اى شغلانه انا موافق، اذا كنتوا عايزين تهدوا النظام المؤسسي والقانونى للدولة انا موافق، انت عندك كلام كتير تدغدغ به المشاعر.
ووجه «عبد العال» حديثه للنواب قائلًا: «ممكن تقول أنا لما أبقي وزير تموين هدي الناس الخبز ببلاش، لكن هتقدر تنفذ هذا؟ وانا قلت وانا ادرس في الجامعة والله لو كان بيدي لاعاقب اللى ادخل التعليم المفتوح وخلاه سداح مداح».
وتحدي رئيس البرلمان القدرات الذهنية لخريجي التعليم المفتوح بقوله: «أراهن أى طالب تعليم مفتوح إذا عرف مصادر الالتزامات اللى اسمها المنابع العامة للقانون.. ده يبقي محامى ويدافع عن متهم في جناية، هيعمل فيها ايه؟، والله اذا طالب في التعليم المفتوح معرفش وسال سؤال تانى ومعرفش، انتو موافقين ان واحد محاسب حاصل على ابتدائية يبقي محاسب؟ لكن القاعدة تقتضي مساواة».
