يعني ايه مصر

احلا حاجه في الشعب المصري ان ديرين غنا لمصر علي أيه معرفش !!! بتغنوا للاطفال المشرده تحت الكباري وفي الشوارع ولا الشباب القاعد علي القهاوي مش لاقي شغل ولاكم المتسولين البيشحتوا في الشوارع ولاكم البلطجيه والحرميه وقطاع الطرق الرهبين الشعب كله ولا الشرطه المابتبطلش تفتيش في المواطنين في الريحه والجايه ولاالمعتقلات المشعرفين يقفلوا البيبان بتعتها من كتر الفيها ولاالنيل الاتخلط بمياه الصرف الصحي وكلها سنه ويتقفل عليكم ولا الغلاء كيلوا الطماطم بخمسه جنيهات ولا الغاز ولا البنزيمه العليها طبور سيارات ملوش اخر ولا الكهرباء البتقطع اكتر مابتشتغل ولا التحرش الجنسي الفي الشوارع الواحد يخاف علي مراته او اخته تطلع من البيت ولاكم النصب والرشاوي ولا ولا ... بتغنوا ليها علي أيه ؟!!!
شطرين تقولوا قطر وبتحربنا وبتقارن نفسها بينا روح اي دوله عربيه وانت تعرف انت أيه ومصر دي أيه هتحزن علي نفسك انك أصلا مصري روح شوف الشاب السعودي عايش ازاي والدوله بتقدمله أيه وهوا طالب ولما يتخرج ولما يجي يتجوز اسئل الارمله ولا المطلقه السعوديه الدوله بتعمل معاها أيه واسئل المصريه بتصرفي منين علي ولادك بعد ماجوزك يتوفي والله ليس هناك اي وجه مقارنه مصر قمة الاهانه لشعبها حتي المصري بره مهان علشان هوا مصري لكن مش متهان زي مابيتهان في بلده علشان كده بيتحمل الذل والمهانه وعايش المصري لو حصله مصيبه في اي دوله بيترمي في المعتقل ولاحد بيعبره والسفيل نايم في السفاره والله البنجالي والهندي في السعوديه سفيره بيروحله لحد مكان عمله لو فيه مشكله لكن المصري ربنا يرحمه برحمته بتغنوا علي أيه حلو فيها احنا شعب بتاع مهيصه وخلاص واخدنا علي الضرب بالجزم علي نفوخنا ... وشكرا