تك تك تك باب بيطرق.. أم قاعد ع نارها. يا تره الطرق دي لمين. إيه يارب بس سببها. إبن قلبي وكبدي جاي.. ولا طرقه من حد جار.. وعقل يودي ويجيب .. وأم مشتاقه لضناه .. قامت فتحت وقلبها مخطوف.. وبتسأل ياربي إيه وراها. فجأه لقيت أصحاب ضناها. بيتكلموا بهدووو معاها .. إبنك يامي خير ما جبتي.. وخلاص روحه راحت للي عطاه.. إبنك يا أمي مات شهيد. وده فخرنا . يااااه ع الوجع ... قلبي اتوجع .. صرخه طالعه ودمعه نازله .. وال آهات بتموت وياه .. إبني. وراح ف لحظه سترهُ وغطاه .. والقلب بقي شعلة نار.. وبقي العمر مرار ف مرار.. إبني وحبيبي خلاص .. بقي ذكره بقي جثه .. بقي ف سماء ربنا سارحه .. آه وآه يا وجع .. ما عملتلك يوم حسابك .. يتقتل ال حامي البلد .. من رصاص غدر اخوانك .. ودموع تسبق دموع .. والقلب ينزف دم وي دمع .. والحيل خلاص حبل مقطوع .. مات الولد وسبني خلاص.. مات الولد وموت ياناس.. آه وآه يا رب ع المرار.. ياتره أنا ف حلم صعب .. ولا والواقع بقي وصار... والقلب خلاص إنذبح. ع كبد قلبي وأنا ف انتظار.. وتسمع من تاني صوت .. والله يامي إبنك ساكن الملكوت.. وحقه جاي ايو جاي. لو نموت زي نموت .. وحقه يا أمي ما راح يفوت .. بس أنتِ يا أمي أصبري .. وف صلاتك كتري .. يحميه ربك ويحمينا.. لاجعل حق إبنك تحصدي .. ومن تاني اتقفل الباب.. بعد ما بقيت الحياه عذاب .. ولا عارفه أعيش ولا أموت .. وايه لازمة لحياه من غير احباب.. وطرق الباب