آثار الأقصر: التمثال تم ترميمه من قبل.. وفيس بوك: مصر كلها تحتاج ترميم

تداول رواد مواقع التواصل الاجتماعي "فيس بوك" و"تويتر" صورة لتمثال آمون في معبد الكرنك بمدينة الأقصر بقدم مشوهة.
وقيل أن وزارة الآثار حاولت ترميم الجزء السفلي للتمثال واستكمال قدمه الأخري إلا أن تلك المحاولة باءت بالفشل ، وظهر التمثال بشكل مشوه يسئ للآثار المصرية ، حيث تم استكمال قدم التمثال علي شكل مستطيل .
و تعليقا علي تلك الصورة ، أعلن الدكتور مصطفي وزيري، مدير عام آثار الأقصر، أن الترميمات التي أجريت لهذا التمثال تمت قبل عشرات السنين ولم تتم حديثا.
وأضاف "وزيري" في تصريحات صحفية أنه لم ير الصور المتداولة ولكن هناك بالفعل تمثال بقدم مستطيل وبشكل مشوه تم ترميمه في ستينات القرن الماضي.
وجاءت تلك التصريحات لتكون محل سخرية من رواد الفيس بوك، وكانت التعليقات كالتالي:
- tarek : دكتوراة ايه اللى معاكم شوهتو الآثار، ضيعتوا معالمها، قبل ما نبدأ فى الترميم نفكر شويه فكر ساعة واشتغل خمسة دقائق انما مافيش تفكير، عاملين بنظام يالله يارجالة وبطريقتكم دى ضعنا والحمد لله
-Reem : بالتمثال ده من غيره كدا كدا صورة مصر مكسره قدام العالم مصر كلها أساسا محتاجه إعادة ترميم
- Ezat : يا جدع انت كبر مخك ، اذا كان ما سيحفظ لنا حياتنا ويروي عطشانا ويسقي زرعتنا تم التفريط فيه بكل سهولة ما بالك بتاريخ وجد في الأساس بشريان نهر تم التنازل عنه
-Mohamed : ياجماعه احنا اكيد ظالمين الناس دي ، رجل التمثال اتكسرت، وهما عملوا اللازم ، عملوا جبيره، يعني كلها 20 يوم ويشيلوا الجبيره والتمثال يرجع يقف علي رجليه زي الاول ويروح مشاويره من المتحف ده للمتحف ده
-
- omer : هو التمثال ده كان عنده مرض السكر مرتفع وجاله غرغرينا في رجله و عملوا له عملية بتر للرجل
-mahmoud : ياعم دا الاله هات رع اله الشحاته عند قدماء المصريين وكان بيسترزق برجله دى.