بالصبر عايشين

ياعم أيوب جبت صبرك منين الناس على الصبر واقفين صفين
فيهم مش صابر على العيشة وفيهم للنوم بيدوروا على خيشة
وساكن العشوئيات ملوش عيشه وجاره على الصبر بيشرب الشيشة
والصبر شاحح من كثرة الصابرين وياريت نلاقى للصبر بياعين
ويكون للصبر تسعيرة والحكومة تعمله مصنع وفابريكة
وفى ناس على الصبر مش قادرين منهم الصحيح ومنع العيانين
ومن قدرك بألصبر تستنى وكل الناس عايشة بتتمنى
وده شابة مستنية وعدلها غايب والصبر طال عليها والحال بقى عايب
ودول شباب بالصبر عايزين عمل واقفين بالملاين فى طابور الأمل
وصاحبنا مديون خسرت تجارية وصابر على فضحتة بين جاره وجارتة
والديانة على بيته رايحة وجاية وهو صابر على بلوته عايز نهاية
ودى جوازة معدومة السعادة عايشين على صبر كله ندامة
أصل زوجته حفارة قبور تفتح سجلات الماضى بكل حبور
وكأس الصبر دايما مليان مع الشجاع ومع الجبان
وياما فى الطابور صابرين شايلين فى قلوبهم كومة أنين
والصبر مكتوب فى قدرهم يظهر ويبان فى أحوالهم