9 تصريحات جريئة لزوجة خالد يوسف عن زوجها والغيرة والشائعات

كشفت الفنانة التشكيلية والكاتبة السعودية شاليمار الشربتلي زوجة المخرج خالد يوسف، عن تصريحات لأول مرة خلال فيديو عبر الحساب الرسمي بموقع التواصل الإجتماعي "فيسبوك" للإعلامية سهير جودة.
ونستعرض لكم أبرز تصريحات زوجة خالد يوسف في السطور التالية:
- كشفت شاليمار عن سبب تسمية ابنتها على اسمها قائلة: "والله مش أنا اللي اختارت الاسم لبنتي، لكن اللي اختاره خالد يوسف، عامل انه رومانسي، واتفاجئت بيه بيكتب اسمها شاليمار، وهو فعلا كان وقتها رومانسي".
- أكدت شاليمار أنها لا تغير على زوجها المخرج خالد يوسف بالرغم من تواجد بعض البنات حوله من أجل الحصول على فرصة من أجل التمثيل، قائلة: "لا خالص أنا مش بغير، أغير عليه ليه ده هو اللي بيغير، وكون ان في بنات بتقرب منه لأن ده مجاله، انا متجوزتش شيخ مسجد أنا اتجوزت مخرج، وهو اتجوز رسامة، هو حواليه ناس كتير والرسامة حواليها ناس كتير، وعن قناعة ارتبطنا ببعض ، وانا أصلا شخص مش غيور ودي من مواصفات برج الدلو".
- شاليمار قالت إنها لا تنتبه الى الشائعات التي تخرج على زوجها المخرج خالد يوسف، مشيرة الى أن أي شئ معادي لحياتها تقوم بتجنبه فورا، قائلة: "أومال بقى اللي متجوزة دكتور نساء تعمل ايه، انتي اختارتي الحياة دي فلازم تعيشيها، أنا مش بغير خالص".
- قالت شاليمار إنه لا يوجد شئ يسمى تنمر، موضحة أننا بشر ومجبرين على السخرية، وهذا جزء من تركيبتنا خصوصا من لهم عروق مصرية: "لو خايفة من كلمة التنمر لازم ابنك تربيه يبقى نبت قوي، لما حد يتنمر عليه يعرف يرد".
- "وأنا صغيرة كنت بضرب العيال، طويلة بقى وعندي ثقة في نفسي ما انا متربية مع 4 ولاد للاسف كنت عنيفة، واي حد يعادي صحابي كأنه عدو لي، انا راجل الشلة وفتوة الشلة ومسئول الشلة وهذا أمر يسعدني ".
- عن عزيزة جلال، قالت: "عزيزة جلال هترجع وتملى الدنيا غنى وأنا اللي هجيبها من مطار القاهرة".
-شاليمار أكدت أن مسئولية الأمومة هي أضخم مسئولية في العالم وقالت: "أنا مش مع التربية الحديثة اللي بتعملها أمهات اليومين دول، لازم الأم تبقى قوية مش ضعيفة، والأم اللي تتعامل مع ابنها بالشوكة والسكينة متبقاش أم، كلمة الضنا غالية جدا، ربنا سمى اسمه الرحمن من الرحم".
- عن هالة صدقي، قالت: "كانت شخصية شعبية في جعفر العمدة، لذلك كانت قريبة من الناس، لكن دورها في مسلسل "سره الباتع" ملحمة، فالأمر كان مختلفا، انا لما اسمع عبدالحليم غير لما أسمع سكر محلي محوط على كريمة .. صفصف شخصية شعبية قربت من الناس وحبوها بجد، وأنا وهالة صدقي شخصيتان مختلفين وبيجمعنا الحب واحنا شبه بعض، فقولت أنا لو مثلت المخرج هيحتار بيني وبينها بسبب الشبه ، وهالة ممكن تكون أرق مني شوية".
- معنديش عتاب لخالد يوسف خالص، وخالد وقف جنبي في مواقف كتير وربنا يخليه ليا ولبنتي ، أعاتبه على إيه ، وأنا مش رومانسية ، وأنا برج الدلو ورومانسية البرج في أفعاله مش في الكلام وخالد ميزان ، وأنا وهو مختلفين كل واحد له اراء مختلفة بس بيجمعنا الحب ، وكل واحد فينا بيحترم اختلاف الثاني حتى لو اتخانقنا ومتكلمناش، واحنا اصلا اراءنا السياسية مختلفة.