بصورة مع بيتر ميمي..هذا ما قاله عمرو سلامة عن المقولة الشهيرة "عدوك ابن كارك"

علق المخرج عمرو سلامة، على المقولة الشهيرة "عدوك ابن كارك".
ونشر سلامة، صورا مع عدد من المخرجين بينهم بيتر ميمي ومحمد دياب، عبر حسابه على إنستجرام، وعلق: "يشاع أن عدوك إبن كارك، لكن لو كان إبن كارك بيلهمك، وبتتعلم منه، وبيساعدك في تطوير نفسك، بنصيحة أو حتى بشغله لمًا يعمل عمل حلو تقدر تتعلم منه، يبقى ليه يكون في أي عداوة؟".
وتابع: "المنافسة مجرد نفسنة، لو هدفك إنك تبقى رقم واحد أو حتى محطوط في قايمة ما، ده هدف مرهق وغبي في حد ذاته ومستحيل عمليا قياسه، هدفك فقط تطور من نفسك وتقارن نفسك النهاردة بنفسك إمبارح وتسأل نفسك إزاي هبقى أحسن بكرة".
واستكمل: "أنا بشوف نفسي محظوظ إني من جيل مخرجين مش مشغول بالمنافسة والمقارنات، وكلهم عندهم من الأريحية إنهم يساعدوا بعض، يغذوا بعض، والأهم يبقوا صادقين مع بعض".
وأضاف: "وخصوصا إننا كلنا فاهمين مشاكل وتحديات بعض، ومجرد كلامنا عليها بيقلل الاحساس بالاحباط والوحدة، والحقيقي اللي متأكد منه إن معظم الجيل ده أو على الأقل اللي أعرفهم عن قرب بيتمنى الخير لبعض ومش حاسس أبدًا إنه في سبق.. إلى كل زميل كان صديق ومعلم، شكرا وساعات ..ما حبيبك إلا إبن كارك".
يذكر أن عمرو سلامة، يتولى إخراج فيلم "شماريخ" بطولة آسر ياسين، خالد الصاوي، آدم الشرقاوي، وسالي حماد، ومن تأليف وإخراج عمرو سلامة، وتدور أحداثه في إطار تشويقي أكشن، وحدد الجهة المنتجة له طرحه بموسم عيد الفطر المقبل.
اقرأ أيضا|
بعد تصدرها قوائم التريند.. لهذا السبب تأجل عزاء الراحلة رانيا شعلان
"الكحة تؤثر على ضربات القلب".. لماذا تأجل خروج حلمي بكر من العناية المركزة؟ (خاص)
540 ألف دولار تؤجل حسم نزاع شيرين عبد الوهاب مع روتانا "خاص"
View this post on Instagram
A post shared by @amrmsalama