تفقد الرئيس عبدالفتاح السيسي، اليوم الثلاثاء، استعدادات القوات المسلحة لمواجهة فيروس كورونا المستجد، بمجمع الهايكستب. ووجه الرئيس، عدة رسائل للمواطنين والعاملين بالقطاعين الحكومي والخاص، جاءت على النحو التالي: - "القطاع الخاص بشكره على الدعم اللي اتقدم". - "مش هطلب من القطاع الخاص المزيد، دي بلدنا وكلنا عايشين فيها مع بعض واللي يقدر على حاجة لبلده يعملها". - "خلونا نحافظ على العمالة الموجودة بالقطاع الخاص بالكامل ولا يتم تسريحها. - لدينا بيانات العاملين في السياحة وقطاعات أخرى ولن نترك إنسان محتاج للمساعدة. - الدولة اتخذت العديد من الإجراءات المهمة للحفاظ على العاملين بالقطاع الحكومي. - "الدولة مجتش قالت إننا هندي المرتبات بخفض 20 أو 30% لكن كمان القطاع الخاص مسئول معانا. - لا حاجة إلى القلق بشأن احتياطيات الدولة من السلع الغذائية، هدفنا توفير السلع وبسعر كويس. - لو الأمر محتاج تعاقدات أغلى أو أكبر خاصة بالسلع، هنعملها علشان نضمن الحد الأدنى 3 أشهر يكون موجود. - "لما أقول مصر هتديك 500 جنيه حد أدنى للعمالة اليومية، وده بيروح لأسرة بتاخد بطاقة تموين وخبز مدعم. - هنسعى جاهدين لاستمرار العمل في الشركات وزيادتها. - "إحنا في أزمة كبيرة ولما قلت 100 مليار جنيه شككوا، إحنا 100 مليون لو إديت لكل إنسان 1000 جنيه راحت ال100 مليار مش كده؟. - "إيه الوعد اللي أنا قولته وربنا مساعدنيش أنفذه؟ الحمد لله، كل وعد هنوعده هننفذه بيكم". - "أنا مش مع تعطيل عمل الدولة المصرية ووقف الحياة بشكل كامل ده خطير جدًا. -الدولة تسعى جاهدة لاستمرار المشروعات القومية رغم أزمة فيروس كورونا. - بناء 100 ألف وحدة إسكان اجتماعي و250 ألف وحدة للمناطق الخطرة. - "كنت حريصا على أن مهمة الحظر تقوم بيها وزارة الداخلية لوحدها". - "مفيش مشكلة نوزع الكمامات بنصف التكلفة أو بدون تكلفة خالص مفيش مشكلة المهم نخلي بالنا". - حملات التشكيك لا تستهدفني بشكل شخصي، لكنها تستهدف معنويات الشعب المصري. - "أنا مش مع تعطيل الدولة ومش هنضيع مستقبل الطلاب". "مش عايزين ناخد إجراء أكثر حدة عليكم أو نضيق توقيتات الحركة علشان حياتنا متوقفش".
