إيه اللي حصل في مجلة كلمتنا يوم الفالانتين

قولتوا إيه ياولاد .. إيه اللي بيحصل ياولاد
المهندسين كلها مالهاش سيرة ولا كلام إلا عن اللي حصل في 22 ش سوريا
وتناثرت الإشاعات هنا وهناك وكلام الناس عن اللي بيحصل
واحد بتاع ديليفيري قاعد وسط صحابه علي الفيزبا وجايبنله مية بسكر وبيهدوه وبيقول " ياجماعة اللي بيحصل فوق شىء مش طبيعي ، أنا شايفهم نازلين تلات تلات قدامي من طبق طاير مش طبيعيين "
وواحد سواق تاكسي ماشي قدام العمارة مقالش حاجة غير انه مصمص شفايفه وقال "عدم اللامؤاخذة أحنا الفالانتين المصري يعني متوقع من الناس ايه "
أما واحد شكله حكيم قاعد قدام العمارة " اهدوا ياجماعة الموضوع بسيط سيط يييييييييط "
وبدأت الناس تتكلم وتقول وبقت مجلة كلمتنا حديث المهندسين كلها وضواحيها كمان
بس لما تطلع فوق في الدور التامن حتلاقي يافطة في وشك بتقولك أحنا حفلة الهالوين
أه الهالووين بنحتفل بيه يوم الفالانتين يلا ماأهو اختلاف بقي
تدخل تلاقي الجوكر ماسك في خناق واحد فامبير معدي وتلاقي فامبيراية بترقع بالصوت الحياني
وتلاقي العمدة ماشي وراه مراتاته الأربعة نازل بيهم مصر بعد ماباع القيراطين اللي حيلته ونازل يسوي شوبينج بيهم
وتلاقي واحد بدوي لسه راكن الجمل تحت ومعاه زبيبة مراته وداخلين يتفرجوا
وتلاقي ظابط وعسكري عمالين يلفوا ويدوروا في المكان تقولشي فراغ
وتلاقي شوية عفاريت علي شياطين علي ناس لابسين أسود محدش عارفين مين دول
وشوية تلاقي الواد بتاع سكريم ده عمال يجري ورا الناس بسكينة سارقها من البوفيه لزوم السسبنس
و البوب الكبير بتاعنا القرصان وأوسي المساعد بتاعه
و.. و.. شوف الصور عشان تعرف أكتر
كان يوم جامد وكله ماشي مرضي ومبسوط وبيحلف باليوم
أدخل وشوف الصور اللي في فوق دي وقول رأيك في الناس وفي الهدوم
أستني هنا .. لسه كله جاي
قول رأيك .. يلا قوول ..
قول بقولك
جرررررررررررررر
قول بقي
:)
ومتنساش اللي حصل في مجلة كلمتنا .. مش سر قوله لصحابك وحبايبك وجيرانك وسواق التاكسي اللي جنبك عادي معنداش أسرار