فركش

نعرف أن أنس الفقى وزير الإعلام هوايته المفضلة القضاء على المخالفات.. ومن هنا أدعوه إلى طلب ملفات رؤساء القنوات وعددهم تقريباً 18 وسوف يجد بينهم من لا يحمل درجة مدير عام
وهى أحد شروط وظيفة ومنصب رئيس قناة.. ومعظم الناس يعرفون من لا توافق إحدى الجهات على منح مدير عام له – أو لها- .... وننتظر النتيجة.. !
- أسامة الشيخ.. تقول فى حواراتك إن الورق بطل مسلسلات هذا العام.. وده كلام مبشر ومحترم.. طيب إيه رأيك إن فيه ورق أكتر من رائع عند بتوع القراءة.. بس إللى يدوّر!!
بالمناسبة.. قرارك بعدم شراء مسلسلات جاب نتيجة هايلة.. واحدة فكرت نفسها فنانة بجد أجرها رجع جرى من 11 مليون أهيف إلى أربعة بس.. !!
- شعر الكثيرون بالزعل الشديد لعدم نجاح طاهر أبو زيد ومرتضى منصور فى انتخابات مجلس الشعب.. وفى المقابل فرحوا لسقوط أحمد شوبير.. وأتمنى ألا يسمح له وليد دعبس بالكلام عن سقوطه لأن مودرن كوره قناة رياضية وليست سياسية.. وإن كنت أشك فى ذلك.. !!
- محمود سعد.. غيابك عن الشاشة بدون إذن يحير جمهورك.. وعدم ردك على من يريد الاطمئنان عليك بيغيظهم منك ويخليهم يدعولك "ربنا يحميك من الغرور".. قول: آمين !!
- يوسف معاطى.. بعد تسليمك لمسلسل "فرقة ناجى عطالله" لم أسمع عن مسلسل جديد تكتبه.. متهيألى محدش عاوز السنة دى!!
- صابرين.. حاسبى على نفسك جامد قوى السنة دى وماتضيعيش إللى عملتيه فى شربة ميّة.. فيه ناس هاتعملك فخ ابن كلب.. خللى بالك من كلامك!!
-يسرا.. يا ترى نايمة فى الدرة على إيه.. شكلك كده مرقدة على مفاجأة فى اللوك والموضوع يا عسل!!
-مانجيش لحد عزيز فى مهرجان سينما القاهرة.. !!
-تحولت الشائعات إلى مين هايمسك صوت القاهرة.. وعند "الفقى" النبأ اليقين !!
diaadandash@yahoo.com