فيديو.. بائعة مترو تشتكي: الظلم زاد أكتر من أيام مبارك

اشتكت بائعة متجولة داخل محطات قطارات مترو الأنفاق، من قلة موارد العمل والمعيشة، في ظل انتشار الظلم والبلطجة بالشوارع ، مضيفة بأنه تسعي لتربية أبنائها وأبناء أخيها المتوفى بمعاناة بين بلطجة رجالة الشرطة والشارع.

وقالت بائعة المترو في مقطع فيديو تداوله نشطاء على مواقع التواصل: "أقول إيه كل اللي تعبني الظلم إحنا مش لاقين أي مورد معيشة نعيش منه »، مشيرة إلى أنها ترعى أبناءها ال 5 مع أبناء أخيها المتوفى الاثنين ووالدتها المريضة وتسعى لتوفير لقمة عيش لهم من خلف ما تبيعه بالمترو. وتابعت: "لم أطلع أبيع شوية طرح أو شوية بديهيات عشان أكل ولادي ، تتطلع الشرطة تخدني وتبهدلني بالشتيمة والضرب قدام الناس ويعملوا لنا محاضر تسول وينزلونا قدام النيابة متسولين. ما يوفروا لنا فرصة عمل ويوفروا لنا لقمة عيش ..الظلم زاد اكتر من عصر حسني مبارك وجوعنا اكتر من الأول".

وأضافت :"أنا بربي أيتام دلوقتي وصحتي متجيبش اشتغل في البيوت أو أبيع في الشوارع والبلطجية تاخد مني أرضية، ولمّا أقول لظابط يقولي حبكت ملقتيش غير المترو".

وتابعت: "أنا نفسي اربي أولادي وأعلمهم ولا عايزنا نسيبهم ونطلع لكم جيل بلطجية يعيش في السجون، أنا نفسي ناكل لقمة عيش كريمة ومش عايزة تداس كرامتي عشان أكل لقمة عيش".