ناصر عبدالرحمن يكتب: «شبابنا.. أحلى ما فينا»

«شبابنا 00 أحلى ما فينا»
تلاقيه في البلاد
في النجوع والقرى
صنايعي وفلاح وارزقي
في الحارة يشيل مع أهله
وفي حاله حيران وبيبتسم
خدوم وشايل همه
راضي وهو راضي
عابر سنين شبابه
صديق التعب
سكته معروفة
وكتير منهم
زي القمح دهب في نفسه
وكتير بيتخرج من الجامعة
قبل أى خطوة
بيدخل مدرسة الرجولة والكفاح
مصر أجمل ما فيها
شبابها 000
المصري مهما كانت حالته
عايش ولا مهاجر
مهما كانت لقمته
ومهما كان تعليمه
مهما كانت قدرته
اجمل مافيه حبه لوطنه
فطرته الكرامة
اسمه محمد وأحمد وصلاح وخاطر ورفاعي ومنسي
اسمه مصري